حالة من الجدل الواسع، شهدتها مواقع التواصل الاجتماعي، بعد اتهام الفنان عمرو سعد بتقليد الفنان محمد رمضان، في مسلسله الجديد “سيد الناس”.
من جانبه، رد عمرو سعد وقال فى برنامج “ET”، بالعربي: “حملات مدفوعة الأجر وكاذبة والكلام الكتير والهري على السوشيال ميديا، وأنا يمكن لأول مرة بتكلم وأنا لما اتكلم متعود أني أتكلم بوضوح، لأني قليل الكلام وأخجل أني أطلع أكلم”.
“لازم أتكلم”.. عمرو سعد يقصف جبهة محمد رمضان بعد اتهامه بتقليده
وتابعت:”وما بحبش أبدًا أشير إلى نجاح نجحته او نسب مشاهدة حققتها أو أي حاجة من الحاجات دى، لأن ده طبعًا حرصًا على مجهود الناس من زمايلي اللي بيعملوا أعمال رائعة واللى بحبها وبتفرج عليها، وبكلمهم وانا من جمهورهم، لأنه أنا بصدق أنه مينفعش تشاور على نجاحك، لأن بعد العمل لما بيخلص بندور على غيره”.
واضاف: “للأسف الشديد أن الصمت دة بيتفهم غلط بعد توحش السوشيال ميديا في ظل حملات مدفوعة الأجر، لصناعة انطباعات معينة، انطباعات كاذبة وحاجات مزيفة، لأن الجمهور بتاعنا هو جمهور طيب، وفى النهاية ممكن يحصل عنده تشويش لانطباعاته عن الأشخاص والأعمال وده بقى حاجة غريبة بعد تفشي ظاهرة السوشيال ميديا”.
وأكمل: «يمكن كان أكبر سؤال بيواجهنا وأحنا بنستعد لتقديم مسلسل السنة دي هو نوع الدراما اللى هنقدمها، ايه اللى هنقدمه السنادي مختلف عن مستوى الشكل والمضمون، واللى هيقدمه المخرج محمد سامي، وهو كاتب أعماله، ويفكر أن يقدم شئ مختلف عن السنوات الماضية، وهذا تحدي مش بسيط، وبالفعل مع النقاشات الكتير، هو المخرج قرر يختار دراما هو نفسه بيقول انه اول مرة يقدمها، جديدة عليه وعلي وجميع الأبطال المشاركين، والناس هتتفاجئ بالمسلسل عندما يشاهدوه، ويارب يعجب الجمهور ويحبوه على قد المجهود اللى بذلناه خلف الكاميرا».
واختتم سعد حديثه برسالة لـ مارك زوكربيرغ قائلا: «عايز اوجه رسالة من خلالكم للأستاذ مارك زوكربيرغ، واقوله الله يسامحك يسطا، ارتاحت كده ياعم اديك عومت العالم في نهر من الأكاذيب، وآخ حاجه عايز أقولها بجد انا بعبر عن فرحتى وفخري انى السنادي هقف قدام عدد ضخم من النجوم الكبار اللى ليهم تاريخ، بشكرهم وفرحان انى جزء منهم، وسعيد اننا هنقدم للجمهور عمل يسعدهم ويقدملهم شئ مفيد».
ومسلسل “سيد الناس” يُعرض ضمن مسلسلات رمضان 2025 عبر شبكة قنوات ام بي سي ومنصة شاهد الرقمية.. والعمل هو من بطولة: عمرو سعد، ريم مصطفى، أحمد زاهر، أحمد رزق، إلهام شاهين، إنجي المقدم، خالد الصاوي، نشوى مصطفى، رنا رئيس، ملك أحمد زاهر، أحمد فهيم، منة فضالي، محمود قابيل، طارق النهري، وياسين السقا، جوري بكر، إنجي كيوان، ساندي علي، والمسلسل من تأليف خالد صلاح والمخرج محمد سامي. والإخراج لـ محمد سامي أيضا.
اقرأ ايضا:
مفاجأة بشأن مسلسل ريهام حجاج “أثينا”.. ما علاقة شيرين أبو عاقلة؟
