كشفت الإعلامية مفيدة شيحة، عن رأيها في مدينة العلمين، ناصحة جميع المواطنين بالذهاب إليها لقضاء العطلة الصيفية.
وقالت مفيدة خلال تقديم برنامجها «الستات»، عبر قناة «النهار»: ” الفنادق والشواطئ الخاصة في مدينة العلمين من أروع وأرخص الأماكن ومياه البحر هناك رائعة جدا.”
مفيدة شيحة تنصح المواطنين بأرخص وأرقى مكان للمصيف
وتابعت: “هناك في بعض الأماكن بها شواطئ خاصة يصل سعرها إلى 1000 و2000 جنيه هذا الكلام غير موجود في مدينة العلمين، بالإضافة إلى الخدمات الرائعة هناك ومدينة العلمين مكان متميز وشواطئ متميزة.”
واختتمت: «لو عايز تروح مصيف لازم تجرّب العلمين».
وفي وقت سابق، علقت الإعلامية مفيدة شيحة، على طلاق حسن شاكوش وريم طارق قائلة: “كنت ضدها من الأول لما سجدت في الفرح وقلت لها كلمتين بصي يا بنتي اللى أنتِ بتعمليه هيتحط لك في تقييم الأشياء بينك وبين جوزك والحركة اللي أنتِ عملتيها قللت منك وقللت من أهلك”.
وتابعت شيحة خلال برنامج “الستات”: “اللي حصل في أزمة زوجة شاكوش بيعلمنا درس إن احنا داخلين بداية حياة جديدة مع شخص جديد إن القصة ما انتهتش عند فرحك ولكن بدأت من الفرح”.
وأضافت: “أنتِ اتجوزتِ بتحبي هذا الرجل ولكن دي بداية القصة بمعنى إنك لما تخشي لازم تحطي لنفسك قوانين وأسلوب حياة وإيه المفترض تعملوه مع بعض علشان ما ناخدش على قفانا بعد كدا واللهم لا شماتة وربنا يهدي سرهم”.
