فاجأت الإعلامية سالي عبدالسلام، الجميع الساعات الماضية بإعلانها إصابتها بمرض “الثعلبة”، وذلك من خلال نشر مقطع فيديو لها وهي داخل إحدى العيادات لتلقى العلاج، على حسابها الشخصي، عبر موقع تبادل الصور والفديوهات إنستجرام.
وقالت سالي عبدالسلام، خلال الفيديو: “دخلت الدوامة دى تانى ! مرض الثعلبة و خلل المناعة للمرة السابعة فى ٥ سنين، سبحانك يا رب، يا دوبك لسه مخلصة علاج و كورتيزون و حاولت اخس تانى و ارجع اعالج شعرى من الصيف!!
وتابعت: “فى ٥ شهور تعافى بعد ما تتعالج تطلع تانى بالسرعة دى ودى اول مرة تحصل، ٣ شهور من الضغط النفسى والعصبى و دى اول حاجة ترجع المرض ده!”.
وأضافت: “حاولت امثل انى كويسة زى ما على طول بعمل بس جسمى كل مرة بيرفض يمثل معايا و ابتلى فى اكتر حاجة كنت بحبها… سبحانك يا رب.. لما الدكتورة تقولى فى اطفال و بنات بقيت تيجى تاخد الحقن وتقول سالى بتاخدها فرحت.. قولت لعلها المنجية من الابتلاء!
وأشارت سالى عبد السلام : “ادعولى.. مفيش حاجة تستاهل انك تضغط على نفسك و لاتزعل وتمرض و تموت ! دكتور عاصم فرج شكرا ومفيدة الله يسعدك انك عرفتينى عليه.. د.سماح الملاح و د. سالى و د. هبة انا بدعيلكم عارفة انى ببقى صعبانة عليكم و مش بايدكم الوجع والله .. الحمدلله .. انا لله وانا اليه راجعون”.
وتجاهل زوج الإعلامية سالي عبدالسلام، خبر إعلانها إصابتها بمرض “الثعلبة” ولم يعلق على الفيديو الذي نشرته أو يدون أي منشور لدعمها على حساباته بمواقع السوشيال ميديا.
اقرأ أيضًا: قرارات نارية من اتحاد الكرة ضد مرتضى منصور وقناة الزمالك
