تحدث الفنان باسم سمرة، لأول مرة عن علاقته بفتاة فرنسية، وذلك خلال لقائه في برنامج كلام الناس الذي تقدمه المذيعة ياسمين عز.
وقال باسم سمرة، خلال اللقاء: كان فيه بنت فرنساوية وكنا المفروض هنقعد في فرنسا وده قبل ما اتجوز لكن العلاقة باظت لأنها كانت علاقة توكسيك بسبب اختلاف العادات والحرية الزايدة، ولو كنت اتجوزتها كنت هروح فرنسا وكنت هكسر الدنيا هناك وسبتها علشان التقاليد والعادات وربنا وفقها واتجوزت وعندها عيال.
جاء ذلك على خلفية سؤال ياسمين عز له عن الشيء الذي كان سيغير حياته التي هو عليها الآن لو كان فعله في السابق قائلة: إيه الحاجة اللي لو كانت حصلت معاك زمان كانت غيرت مجرى حياتك وتاريخك ومكنتش بقيت باسم سمرة؟
كما سألت ياسمين عز باسم سمرة عن رأيه في علاقة كريسيانو بجورجينا، ليرد: هما عندهم أطفال وربنا يهديه ويتجوزها لأن هو في السعودية وإحنا مش واخدين على العلاقة دي لأنها ما تناسبش عادتنا.
كما تحدث باسم سمرة عن علاقته بأبنائه قائلًا: أنا أحب أنهم يطلبوا وأنا على قد ما أقدر أجيب ولو نفسهم في حاجة أجيها سواء لبس أو شوكولاتة لكن لو في قرارات مصيرية وضرورية لازم أنا اللي أخد القرار.
اقرأ أيضًا: أول ظهور للفنان سامح الصريطي بعد إصابته بأزمة صحية.. شاهد
