نعت الفنانة ريم البارودي، الفنان القدير صلاح السعدني الذي رحل عن عالمنا صباح أمس الجمعة عن عمر ناهز 81 عامًا.
وقالت ريم البارودي، في تصريحات صحفية: خسرنا عمدة الدراما المصرية وفنان كبير اشتغلت معاه مرتين في مسلسل نقطة نظام وبعدها الباطنية، وكنت هشتغل معاه في الإخوة أعداء وما حصلش نصيب.
وتابع: هو نجم كبير جدا وتاريخ عظيم عمره ما هيتكرر وأنا حزينة جدًا ولكن إنا لله وإنا إليه راجعون.. إحنا بنخسر أعمدة الداما زي نور الشريف ومحمود العزيز وغيرهم وعمرهم ما هيتكرروا ونطلب له الرحمة والعفو والمغفرة.
وأضافت: كان مسميني شمعة وبيندهني بالاسم ده على طول، لأني بكون مذاكرة وهو بيكون عارف مين مذاكر ومين مش مذاكر، ومن حسن حظي أني كنت قريبة منه في المسلسلين.
وأكدت: أنا بتعلم من الكبار سواء هو أو الفنان الكبير الراحل نور الشريف، وحظي أن في نفس السنة اشتغلت معاهم الاتنين لأني كنت بصور الرحايا والباطنية مع بعض.
اقرأ أيضًا: الإحصاء: مصر تسجل ربع مليون نسمة زيادة في أقل من 3 أشهر
