تلقت الإعلامية ياسمين عز سؤال: “ليه صوتك سهتان؟”، لتجيب عليه خلال تقديمها حلقة جديدة من برنامجها “كلام الناس” على شاشة أم بي سي مصر.
وقالت ياسمين عز: “في سؤال بتسأله كتير غالبًا من واحدة بتقول لي كلامك بيعجبني بس صوتك سهتان، شوفي يا روح قلبي أنا صوتي خامته شتوية لأن في أصوات شتوية بتكون ناعم ودافي ونيمان أو نعسان، أما الصوت الصيفي بيكون عالي وحاد ومصحصح طول الوقت ومش بيفصل”.
وتابعت: “النوع الأفضل بدون انحياز وبكل تواضع خامة الصوت الشتوي.. مش بس لأنه دافي وناعم لكن أول ما بتحبي وتخطبي بتحولي صوتك للشتوي وبعد الجواز يرجع لحالته الطبيعية”.
وأشارت: “بستغرب من بعض الستات لما واحدة تطلق تقول لها مع السلامة يروح واحد ويجي عشرة غيره، هو إيه الكلام ده، إحنا بقينا ليه نستسهل الموضوع والطلاق، الست لو عندها فستان وقع عليه حاجة او اتنتش بتزعل عليه وتقلب البيت مناحة، مش عاوزينها تزعل على راجل عاشت معاه سنين، وطبعًا مفيش مقياس بين الراجل الفرعون والفستان.. الطلاق وخراب البيوت مش بالساهل”.
وأوضحت: ” في ناس أول ما البنت تتخطب أو تتجوز يقولولها خليكي على طبيعتك.. اوعي تسمعي كلامهم.. خليكي مع الناس جعفر ومع جوزك أو خطيبك أنعم ما يكون.. وانزلي بالصوت لأوطى طبقة واتكلمي من مناخريك واخنفي.. حتى سعات بتشوفوا ستات مع رجالتها تقولوا عاملة له إيه.. هو اللسان مش بالجمال ولا المال باللسان تلفه وتحطه في قلبها”.
اقرأ أيضًا: أشرف زكي يفجر مفاجأة صادمة بشأن حقيقة وجود ابن لـ سمير صبري
