حالة من الجدل الواسع، أثارتها الفنانة عفاف مصطفى، الساعات الماضية، بعد منشور لها حول رفض المخرج رامي إمام، زيارتها للزعيم عادل إمام.
وقالت عفاف مصطفى خلال مداخلة هاتفية عبر برنامج تفاصيل،: “لما لقيت مادلين طبر هي اللي فتحت الموضوع أنا اتجرأت وعملت كده، وهي عندها حق في الخطوة دي ومن حقنا نشوف الزعيم عادل إمام أنا مش بقحم نفسي عليه”.
عفاف مصطفى تفجر مفاجأة جديدة عن عادل إمام
وأضافت: “في ناس كتير بتقابله وأنا عندي معلومات بتوصلني لحد البيت ومتأكدة منها مليون في المية.. اشمعنا أنا أو اللي من جيلي”.
وتابعت: “أنا لو عاوزة أعمل تريند كنت ظهرت في برامج، لكن أنا عملت ده علشان أنكش رامي إمام مكنتش أتخيل إن البوست يوصل للمرحلة دي، في ناس بتتهمني إني بثير الجدل ورفضت أظهر في كتير من البرامج”.
وكانت قالت الفنانة مادلين طبر، في تصريحات صحفية، أنها كانت تتمني أن يحضر عادل امام تكريمه بالمهرجان القومي للمسرح المصري، وعلي اسرته ان تعيد التفكير في هذا الامر، فليس شرط ان يتحدث ولكن يكفي حضوره.
وتابعت: ” أتمنى عائلة الزعيم تفرج عنه، وحتى موبايله مش بيرد عليه، نطمن عليه إزاي؟ لازم نقتحم بيته.”
من جانبه، رد المنتج عصام إمام، شقيق الزعيم، على تصريحات منع أسرة الزعيم من الظهور، قائلًا: “أنا مش برد على الشائعات؛ لأن هيقولوا إيه على عادل إمام أكتر من كدا؟ دول موتوه 7 أو 8 مرات”.
وتابع: “طبعا مفيش الكلام دا ولا حد أجبره يبتعد وهو كويس وصحته بخير وبيتابع الأحداث الجارية عادي”.
