وجهت الفنانة نشوى مصطفى رسالة مؤثرة لزوجها بعد ساعات من وفاته، عبر حسابها الرسمي على “فيس بوك”.
وكتبت نشوى مصطفى موجهه حديثها لزوجها: “سترتنى ربنا يسترك
اكرمتنى ربنا يكرمك
سيبت لى اجمل هدية ولادنا ربنا يهاديك بالفردوس الاعلى
٣٣ سنة ستر وكرم ومحبة ومودة ورحمة
علمتنى ازاي اكون من المتصدقين
علمتنى ازاي اكون دايماً فى معية الله
علمتنى ازاي تكون عزة النفس
علمتنى ازاي اتسامح حتى مع اللي اذانى
علمتنى ازاي اتوكل على الله فى كل شئونى
علمتنى ازاي اكرم ضيفى
علمتنى معنى التواضع مع عباد الله الضعفاء
يانبيل الاخلاق ياابن الاصل العالى
نسيت تعلمنى ازاي اقدر اعيش من غير وجودك
٣٣ سنة مبعدناش عن بعض لحظة
٣٣ سنة ذكريات وحياة بحلوها ومرها
٣٣ سنة كنت خير زوج وخير أب
٣٣ سنة اكرمتنى وسترتنى وجبرت خاطرى وربيت عيالنا احسن تربية
ليه ياعماد سيبتنى لوحدى كده – مااستاهلش منك تسيبنى لوحدى ده انا مبعرفش اعمل حاجة فى الدنيا – انت اللي كنت بتعمل لنا كل حاجة – انت اللي سندتنى فى كل ظروف حياتى الصعبة — فى شدتى وفى مرضى شيلتنى وطبطبت عليا – ياااااه على غلاوتك ياعشرة عمرى — يااااااه على غلاوتك ياابويا واخويا وحبيبى وجوزى وابنى — باموت ياعماد — باموت وانت مش قدام عينى — حاكمل ازاي يارب من غيره. ادعو له بالرحمة وادعولى بالصبر وادعو لولادى بالصبر والثبات”.
وفي السطور التالية نستعرض أبرز المعلومات عن زوج نشوى مصطفى.
كان مُقيمًا في الولايات المتحدة الأمريكية، لمدة 15 عامًا.
-عاد إلى مصر لأنه أراد الزواج من مصرية، ليلتقي بنشوى مصطفى ويتقدم لخطبتها، بترشيح من شقيقاته حيث كانت صديقة لهن.
-تزوج نشوى مصطفى عام 1993.
-لديه من نشوى ابن اسمه عبدالرحمن، وابنة اسمها مريم، تزوج عبدالرحمن عام 2019، وتزوجت الابنة في شهر سبتمبر 2022.
– داعم أساسي لنشوى مصطفى في مسيرتها الفنية، رغم أنه لا يهوى الأضواء ونادر الظهور الإعلامي.
اقرأ ايضا:
“مماتش من المرض”.. لميس الحديدي تكشف مفاجأة عن وفاة أحمد عدوية
