كانت نجمة الثمانينيات وأوائل التسعينيات قبل أن تعتزل وترتدي الحجاب، وعندما عادت للتمثيل، تسببت في جدل كبير بسبب تصريحاتها وأسرارها التي كشفت عنها.زانها الفنانة فريدة سيف النصر، فما الذي كشفته عن حياتها وكيف اعتزلت وارتدت الحجاب ولماذا خلعته ثانية وعادت للفن، ومن هي الفنانة التي أجبرتها على الاعتزال هذا ما نتعرف عليه من خلال التالي:
“فريدة سيف النصر” كانت ملقبة بـ “هند رستم” التانية في سينما التمانينيات لحد نص التسعينيات بسبب الأدوار الجريئة اللي عملتها كتير، لها مواقف غريبة زي الموقف اللي خلاها تعتزل في نص التسعينيات وتلبس الحجاب لكن لما خلعته بعدها تعرضت لإطلاق رصاص على بيتها من عناصر مشوهة فكرياً.
“فريدة” قالت إن كان لها أخ عنده 21 سنة رحل فجأة عن الحياة وزعلت هي وأهلها عليه ومن شدة حزنها خافت من الموت فلبست الحجاب، ونزلت معاه القبر وهي حاطة حاجة على راسها لأن وقت الدفن كان معاها فنانة صحبتها قالت لها “البسي طرحة ونتكفن في الدنيا قبل الآخرة”، فاتفاجئت بالاعلام بيقول إنها اعتزلت قبل ما تقرر فاضطرت تعتزل.
قالت كمان “فريدة سيف النصر” إن من المواقف الغريبة في حياتها انها اتحولت لمجلس تأديب في نقابة المهن التمثيلية بسبب خلع حجابها لكن الأغرب بقى إن اللي حققوا معاها فنانات خلعن الحجاب بعدها، ووقتها مفهموش ليه هي لبسته وازاي خلعته.
فريدة قالت كمان إنه برغم اللي حصل من الفنانة “شهيرة” وانتقادها لها بسبب الحجاب الا إن علاقتها ببنتها الفنانة “رانيا محمود ياسين” لسة مستمرة وقوية كمان وبتتمنى انها ترجع تلبس الحجاب تاني لأن الموت بييجي فجأة، وهي عمرها ما هتقدم أدوار اغراء تاني ولا هتلبس فاستني مفتوحة أبداً لان ولادها وأحفادها بيحاسبوها.
كمان من ضمن اسرارها انها اتجوزت مرة واحدة بس رسمي، وعمرها ما اتجوزت عرفي وإن بدايتها الفنية كانت على ايد فريد شوقي وحسين فهمي ونيللي لما كانوا اعضاء لجنة تحكيم اختيار ملكة جمال الصيف.
فريدة سيف النصر ظهرت بشعر طويل أوي بعدما كانت من غير شعر ولما اتسألت عن السبب قالت إنها راحت لأطباء جلدية كتير وعرضت نفسها على دكاترة مختصين بعدما فقدت شعرها لكن من غير فايدة، فقررت تشوف وصفات طبيعية من “الطب البديل” لحد ما عرفت ان الحل في دهن “فرة الرأس” بروح النشادر او غاز النشادر أو غاز الأمونياك، ودي من عند العطار مع كوب مية قد فنجان القهوة.
وكمان زيت زيتون وخروع ويت سمسم وعسل ابيض وعسلا اسود ودبس رمان وخل ابيض وخل تفاح وخلط كل ده وبعدين تيحطوا على فروة الراس.
فريدة حاليا بتهتم بولادها وأحفادها وتربية الحيوانات في بيتها لكن تعرضت لموقف غريب من صاحبتها الأنتيم اللي دخلتها بيتها، وفي يوم رجعت من برة لقت صاحبتها في حضن جوزها وعلى سريرها علشان كدة دايماً بتقول إن المواقف الوحشة والصدمة بتيجي من أقر ب الناس.
كمان قالت في مرة على صفحتها الشخصية ” انها بتصلى وتصوم، وتستغفر ربنا دايما لن الحل الوحيد ان الانسان يقرب لربنا هو انه يصلي ويستغفر كتير.
أخيراً.. محتاجين تعليقاتكم على الفيديو ليه فريدة سيف النصر لبست الحجاب وقلعته تاني، وهل الفنانة شهيرة من حقها تنتقدهاعلشان خلعته؟
