يبدو إن كلمة السر بعد ذلك في أي جلسة نميمة بين الأصدقاء وتشبيه أي صديقة ظهر عليها علامات الغدر ستكون “دلال” وهذه الشخصية التي جسدتها الفنانة إيمان العاصي في مسلسل “جعفر العمدة” مع الفنان محمد رمضان، وهذه الشخصية السيكوباتية الناعمة التي تعتبر من أخطر أنواع اضطراب الشخصية.
واللي كتير ميعرفهوش إن اللي عملته إيمان العاصي قصدي “دلال” في جعفر العمدة حصل معاها في الحقيقة بردوا يعني هي اتجوزت ملياردير حاول بكل الطريق إنه يإذيها وكمان كان هيسقط بنها “ريتاج” زي ما هي عملت بالضبط، ولما عرفش يسقطها خطف بنتها، يلا بينا نعرف إيه الحكاية.
مين هي إيمان العاصي؟
وإيمان العاصي من مواليد القاهرة في 28 أغسطس سنة 1985 يعني عمرها دلوقتي 37 سنة، واتجوزت مرتين مرة من علي منصور العوضي ومكملتش السنة والتانية من رجل الأعمال نبيل زانوسي وانتهت بحكايتنا اللي معانا النهاردة، وإيمان والدها هو عبد العظيم معز العاصي، ومامتها اسمها ماجدة عباس، وليها 4 أخوات بنات هما جيسي وتوما وآية وفاطمة العاصي، وإيمان درست إدارة الأعمال، وكانت بدايتها في الفن صدفة لما راحت تعمل سيشن المصور طلب منها صورة ينشرها في مجلة نسائية ولما وافقت اتفتحتلها طاقة القدر وشافها المخرج خالد بهجت اللي رشحها لدور بنت الفنانة رغدة في مسلسل “أمس لا يموت” لما لقى في تشابه بينهم وده كان سنة 2003 وبعدها بسنتين رشحها المخرج هيثم حقي في مسلسل “أحلام في البوابة” مع الفنانة سميرة أحمد، بس الجمهور معرفهاش بجد غير مع نور الشريف لما ظهرت في مسلسل “حضرة المتهم أبي”.
شخصية غير والحقيقة واحدة
وحياة إيمان العاصي الشخصية غير حياتها اللي شوفناها في مسلسل جعفر العمدة خالص، لكن الحقيقة اللي جمعت بينهم واحدة تقريباً، يعني اتجوزت ملياردير مشهور حصل بينهم مشاكل بعد ما كانت الحيارة بين جدران هادية بقت بين جدران المحاكم ورغم كده الملياردير اللي بقى طليقها ده قال من 3 سنين كده إنه رغم كل اللي حصل بينهم لسه بيحبها، إزاي وهو اللي خفاها في مكان مش معروف وربطها في السرير 3 أيام وطلب من أهلها فدية كبيرة عشان يسيبها، والغريبة إنه حاول يسقط بنتها اللي بطنها بس قدر بنا بقى ومعرفش زي ما هي عملت في جعفر العمدة بالظبط بس عرفت تعمل كده بسبب كمية الشر اللي جواها.
إيمان العاصي حظها وحش
ويمكن تكون إيمان العاصي حظها وحش فعلًا وده اللي واضح من جوازاتها في الحقيقة لدرجة تخلك تقول إنها أكتر واحدة حاسة بوجع اللي حصل لثريا وعايدة اللي هما مي كساب وزينة، وفي الجوازة بتاعتها دي اكتشفت إن جوزها مش رجل أعمال ولا حاجة لأ ده كان مدير صيانة في شركة من شركات قريبة ومش صاحب الشركة زي ما قالها، وده اللي خلاها تطلب الطلاق فسرق مجوهراتها وعشان يطلقها طلب منها تتنازل عن الشقة والعربية ولما رفضت خطفها وهربت منه بصعوبة واتطلقت منه في المحاكم.
رجالة في حياة إيمان العاصي
ورغم الجوازتين دول اللي فشلوا لكن في رجالة كتير في حياة إيمان العاصي زي إنها اتخطبت فترة للفنان طارق صبري اللي هو جوز شيري عادل دلوقتي لكن الخطوبة مطولتش، وارتبط اسمها باسم صالح جمعة لاعب الأهلي السابق وبقوا أصحاب وليهم صور كتيرة مع بعض واتقال هيتخطبوا، وكمان مو صلاح كان ليه قصة معاها بسبب التاتو اللي كان باسمه وطلعت تفرجه للجمهور واتقال إنها هتخطف مو من مراته بس كل ده طلع إشاعات.
