قررت قناة النهار، الساعات الماضية وقف برنامج الإعلامية منى العمدة، وإحالتها للتحقيق لحين تحديد الموقف النهائي من البرنامج، تفاجئ الجميع بتصرف منى العمدة بعد هذا القرار.
وكانت البداية الأزمة كانت مع انتشار مقاطع من برنامج “الجمهورية الجديدة” واللي بتقدمه الإعلامية منى العمدة على قناة النهار واللي شاف الجمهور إنها بتتكلم بطريقة لا تليق بمذيعة ده بالإضافة للبسها اللي كتير كان شايفه مش ملائم.
في واحد من الفيديوهات اللي ظهرت فيها الإعلامية منى العمدة كانت بتتكلم بطريقة مثيرة للجدل مع واحد من المطورين العقاريين، والفيديو اتسبب في ضجة كبيرة على السوشيال ميديا.
وبعد انتشار الفيديوهات دي، أعلنت قناة النهار، وقف مقدمة البرنامج منى العمدة، وإحالتها وفريق العمل والمسؤولين عن البرنامج للتحقيق الفوري.
وأوضحت القناة في البيان بتاعها أنها رصدت بعض الأخطاء والتجاوز في واحدة من حلقات البرنامج الأخيرة، وقررت وقفه لحد ما يرجع إلى المسار الصحيح أو إلغائه بشكل نهائي.
وفي أول رد من منى العمدة على الكلام ده، قامت بحذف كل الفيديوهات من قناتها على يوتيوب الذي تسببت في الأزمة، وبعدها بشوية قفلت قناتها.
رد فعل منى العمدة اتسبب في ضجة كبيرة على مواقع التواصل الاجتماعي، لكن البعض شجعها على الموضوع ده وقالوا إنها خطوة كويسة عشان برنامجها يرجع تاني بعد تصحيح مساره.
كما قالت إنها لم تخالف أي معايير للإعلام أو الإعلان، في برنامج “هنا الجمهورية الجديدة”.
وأضافت “أنا دكتورة جامعية أقوم بالتدريس بشكل فعلي وشهادتي مش دكتوراه فخرية زي ما قال البعض، وتخصصي في مجال الكيمياء”.
