أعلنت الفنانة ياسمين غيث، الساعات الماضية، خضوعها لعملية جراحية لإزالة ورم حميد حجمه 8 سم، وذلك في منشور عبر حسابها على “انستجرام”.
ونشرت ياسمين غيث مجموعة صور لها بعد العملية، وكتبت: “عارفة إنكم قلقانين عليا ومش عايزة اتأخر عليكم أكتر من كده رغم تعبي لسه.”
«متتخضوش من شكلي».. فنانة شهيرة تصدم الجمهور بعد إصابتها بمرض خبيث
وأضافت: “مبدئيًا ده شكلي معظم الـ 5 شهور اللي فاتوا…من شهر 11 حتى الآن، الحمد عملت العملية يوم ٦/٢ (عملية open chest لإزالة ورم حجمه ٨ سم+) “.
وأكملت: “الحمد لله ألف حمد وشكر طلع حميد وطلع إنه كتلة من الغدة الدرقية وده هيحتاج إني أعمل فحوصات وcheck up علي الغدة كل 3 شهور، ده طبعا غير الـgeneral check up اللي بعمله كل 6 شهور. الحمد لله علي كل حاجة.”
وتابعت: “عاملة إيه؟ تعبانة…حاسة بإيه؟ ألم لا يحتمل…في عضمي، في ضلوعي، في أعصابي.. بس كدة؟ لأ.. العملية مكانها صعب والفتح في عضم الصدر ألمه مش طبيعي، بس أي إنسان عادي بيحس بالألم ده بطريقة معينة لكن أنا إيه اللي بيحصل معايا؟”.
وأكملت: “أنا من 7 سنين عملت عملية الـ breast cancer اللي شالوا فيها من صدري اليمين جزء من العضلة، ومعظم الغدد (lymph nodes) اللي تحت الذراع وده أثر من وقتها على ذراعي اليمين وفضل كذا شهر بيوجعني وبعد كدة كمّل معايا التنميل والوجع بس محتمل.”
وأردفت: “أنا مش بحب أحط صور كدة بس حبيت أعرفكم المرة دي أنا في إيه وبعدي بإيه وشكلي عامل إزاي حاليا والجرح شكله إيه علشان ماتتخضوش لما تشوفوني لأن أنا من كتر وجع الجرح كمان والـirritation اللي فيه مش بستحمل هدوم عليه فحتى في عز البرد بكون مش حاطة أي هدوم عليه علشان مش بستحمل. فماتخافوش من شكله.”
