الكل يتحدث عنها، اخبار متضاربة من هنا وهنا كلها تتكلم عن محاولة فاشلة من الفنانة شيرين عبد الوهاب أنها تنهى حياتها.
هل شيرين عبد الوهاب حاولت تنهى حياتها فعلا ؟ .. طيب اللى قصدته من الصور والفيديو الأخير اللي اتسرب ليها ؟ .. كل ده وأكتر هنعرفه مع بعض في التقرير التالي:
النص: السوشيال ميديا كلها دلوقتى بتتكلم على الفنانة شيرين عبد الوهاب، أقاويل كتير وحكايات كلها بتقول أن الفنانة المشهورة حاولت تنهى حياتها بطريقة معروفة ومشهورة، ولولا ستر ربنا كانت انتهت حياتها.
هل الكلام ده صحيح ولا لأ ؟
في الحقيقة فيه روايتان في الواقعة دى، هنعرض ليكم الروايتين وليكم الحكم عليهم، في الأول ومن كام يوم كده طلع الصحفى هانى عزب وهوا صحفى فن معروف وله مصادرة في الوسط الفني، الصحفى ده لمح في بوست ليه على فيس بوك أن الفنانة شيرين عبد الوهاب بتمر بظرف ما سيئ جدا، التلميح اللى أشار إليه فهمه الجمهور أنها محاولة فاشلة من الفنانة شيرين عبد الوهاب أنها تنهى حياتها.
بعد اللى قالة الصحفى هانى عزب حاولت مواقع صحفية واخبارية كتير أنها تدور على أصل المعلومة وتتأكد منها عن طريق أي حد قريب من الفنانة شيرين عبد الوهاب، وكل موقع إخباري ليه طريقه الخاص في البحث عن المعلومة، على سبيل المثال موقع قناة “العربية” الشهير سأل ودقق في الأقاويل المنتشرة أن شيرين عبد الوهاب حاولت تنهى حياتها عن طريق حاجة منتشرة جدا.
لما سأل موقع قناة العربية عرف من الفنان حسام حبيب أن كل الكلام اللى طلع ده كلام فاضى، ملوش أي صحة يعنى، ده على كلامه هو ودى الرواية التانية في الواقعة، حسام حبيب قالهم نصا:”والله عيب جد الكلام ده” وهوا يقصد يعنى ينفى نفيا قاطعا أن يكون فيه حاجة حصلت مع الفنانة شيرين عبد الوهاب.
نفس الرواية بتاعت حسام حبيب اتفقت معاها نقابة المهن الموسيقية وقالت أن مافيش أي حاجة حصلت مع الفنانة شيرين عبد الوهاب وأن على الجمهور أنه ياخد معلوماته من المصدر الأصلي ليه، يقصدوا طبعا الفنانة شيرين نفسها أو حسام حبيب أو أي حد قريب من الفنانة الشهيرة.
اللافت بقى ان فيه صورتين وفيديو طلعوا دلوقتى واتسربوا للفنانة شيرين عبد الوهاب على السوشيال ميديا، الصورتين نشرهم موقع “بصراحة” الأخباري أما الفيديو فانشره موقع “عرب تي في” في الصورتين ظهرت شيرين عبد الوهاب وحسام حبيب مع بعض، وظهرت شيرين عبد الوهاب وهى بتضحك خالص ومبسوطة.
البعض فهم طبعا من الصورتين والفيديو أن الفنانة شيرين عبد الوهاب تقصد أو يقصد أي حد من المقربين لها أنهم ينفوا ويكذبوا الكلام اللى طلع على شيرين عبد الوهاب عن طريق الصورتين دول.
الصورتين والفيديو واضح يعنى أن شيرين بتضحك فيهم ومبتسمه جدا وأمورها زى الفل، فاهى لو الجمهور عايز يتأكد على صحتها وشاف الصورتين دول اكيد هيفهم انها بتمر بحالة حلوه وما فيش أي مشاكل معها حاليا.
أنتم بقى رأيكم إيه فى اللى بيحصل مع الفنانة شيرين عبد الوهاب ده ؟ .. متفقين مع أي رواية فيهم ؟ .. ردوا في التعليقات مستنيه ردكم.
