قال الفنان خالد سليم:”بقيت عصبي مؤخرا وبنفعل علي مراتي بسرعة بسبب كمية الضغوطات والمشاكل اللى موجودة في حياتي، انما في شغلي متأني جدا”.
حقيقة مدير اعمال خالد سليم
وأضاف خلال الجزء الثاني من لقائه ببرنامج “حبر سري” الذي تقدمه الإعلامية اسما إبراهيم بقناة “القاهرة والناس”:”ابن خالي عرف الناس أنه مدير أعمالي وهو لا مدير أعمالي ولا يفهم في الوسط بتاعتنا ولا يعرف أي حاجة لكن كان مرافق معايا في فترة من فترات حياتي بدافع من أمي”.
ولفت:”عربيتي اللي كانت معايا في 2006 المقصات بتاعتها اتنشرت بمنشار نحاس وخلوا فيها جزء واحد بس وانا ساعتها كنت ناقل من مصر الجديدة لبيت أكبر في المقطم، وكان فيه محاولة مدبرة إني أموت بحادثة عربية، وساعتها اكتشفنا المخطط ووالدتي قالت لي لازم يكون معاك سواق يا حد مرافق معاك وفرضت علي محمد سمير ابن خالي، واحنا مكناش صحاب أوي وهو دخل حتة شاف أجواء معينة حاول يخش ويتعلم لكن عمره ما كان مدير أعمالي علشان يتشهر في الوسط الفني ويسوق لنفسه لكن مع المشاكل طردته”.
وأكد خالد سليم:”فيه شخص حاول يقتلني بس مشاكل علي فلوس كان مشروع وحد قريب جدا وفيه علاقة بأحد افراد عائلتي وقرر انه عايز يعمل مشروع ودخلت معاه كشريك وممول وأول لما الحاجات باظت ومنفعش قال لي ملكش حاجة عندي فقلت له علي العموم فيه ورق يثبت وهقدمه للمحامي بتاعي وبعدها حول يقتلني”.
