حالة من الجدل الواسع، أثارها الفنان الشاب فادي خفاجة الساعات الماضية، بعدما خرج في فيديو على موقع تيك توك، وبدا منهارًا تماما، وتلفظ بألفاظ بذيئة أمام الجمهور.
ومنذ ساعات كشف فادي خفاجة عن ندمه بسبب انهياره في البث المباشر على تيك توك، قائلا: «أنا مش قادر أقول أي حاجة غير إني كنت في لحظة ضعف وبرجو أي بني آدم على وجه الأرض يفهم إنى إنسان قبل ما أكون فنان».
رسالة مفاجئة من فادي خفاجة بعد الفيديو البذيء
وتابع في مداخلة هاتفية مع الإعلامي تامر أمين في برنامج آخر النهار على قناة النهار: «لو رجع بي الزمن ممكن معملش ده تاني ومش عارف أنا عملته إزاي من الضغوطات ومن حالة اليأس ومن حالة سعي طويلة موصلتش بها لحاجة، وطول الوقت الناس بتسألني إنتا فين؟، فأنا لا حصلت أبقى فنان ولا أبقى إنسان طبيعي».
واكمل: “الناس لما بتسألني أنا معنديش إجابات، أنا بتسئل في اليوم ألف مرة، وكل الأساتذة اللي اشتغلت معاها كانوا بيشكروا فيا وده إداني أمل.. كل ده فين؟ ولما تواجدت في مسلسل زي الاختيار كنت ضيف شرف وانتظرت بعدها أبواب ربنا تتفتح أكتر، طيب مبشتغلش ليه؟ أتحدى أن أي مخرج يقول مبجيش في معادي، لو منتج واحد يقول إني بناقشه في الأجر».
وفي وقت سابق، قال فادي خفاجة: “اضطريت أدخل في جولات تيك توك لإني مش لاقي شغل والفنانة وفاء عامر حاولت كتير تجبني معاها في أعمال فنية لكن مفيش فايدة قاعد في البيت من غير شغل”.
وأضاف فادي خفاجة: ” محدش يهاجم وفاء عامر أو غيرها لأننا بنطلع على تيك توك محدش عارف ظروفنا وأي حد هيتريق هيعرف شغله”.
كما حاول أحد أشقاء فادي خفاجة إقناعه بإغلاق اللايف، لكنه هاجمه هو الآخر وقال له: “أنت أخويا؟ نفعتني بإيه؟ ده أنت مش عارف تدفع قسط عربيتك؟”.
