دراما رمضان هذا العام كان لها طعم مميز، شاهدنا كثير من النجوم والنجمات الذين تألقوا خلال هذا الموسم بأعمال قوية ومميزة جدا، وكان لها رد فعل كبير عند الجمهور.
وبرغم إن في بعض الأعمال شعبيتها كانت أعلى وأقوى من أعمال كتير، ولكن الموسم ده كان من المواسم الغنية بشكل عام، واللي أظهرت نجوم كتير للجمهور، وكمان اتنافس فيها نجوم الصف الأول بأعمالهم وكمان أجورهم.
على هامش مسلسلات رمضان كتير من الجماهير بتسأل بقى، هو النجوم دول بياخدوا كام في الأعمال دي؟ وفي مواقع صحفية كتير بتكشف الأرقام اللي بياخدها النجوم واللي بتبقى في منها كبير وه عادة بيكون للنجم اللي شايل العمل مش لكل فريق المسلسل يعني، النجم اللي بيتسوق العمل باسمه بس.
طبعا لازم نبدأ بالنجم محمد رمضان صاحب النجاح والإنجاز الأكبر خلال موسم رمضان بمسلسل جعفر العمدة، واللي حقق نجاح كبير جدا ونسب مشاهدات البعض اعتبرها أسطورية وتخطت حتى كل أعمال محمد رمضان السابقة، والمواقع المتخصصة كشفت إن أجر محمد رمضان في المسلسل ده كان 45 مليون جنيه، وهو الأعلى أجرا في الموسم، ومن المعروف إن محمد رمضان بشكل عام هو صاحب أعلى الأجور.
في الترتيب التاني هنلاقي النجم الكبير خالد النبوي بدوره في مسلسل رسالة الإمام، وهو من الأعمال درامية المميزة واللي حقق نجاح كبير خلال موسم رمضان، والفنان خالد النبوي قدم الدور باقتدار كعادته وبفضل موهبته الفنية الكبيرة، والرقم المتداول اللي حصل عليه نظير تقديم الدور كان 35 مليون جنيه.
لو هنيجي لصاحب المركز التالت فلازم نفتكر النجم الكبير أمير كراراة واللي كان مشارك خلال الموسم ده بواحد من الأعمال المميزة جدا، وهو مسلسل سوق الكانتو، والفنان أمير كرارة واحد من نجوم الشباك ونجوم الصف الأول، وتقاضى عن العمل ده مبلغ كبير وهو 33 ميلون جنيه.
صاحب المركز الرابع في ترتيب الأعلى أجرا في دراما رمضان هو الفنان مصطفى شعبان واللي شارك خلال موسم رمضان بمسلسل بابا المجال، وهو كان واحد من الأعمال اللي حصتت مردود كبير في الشارع المصري، وقدر من خلاله إنه يوصل لشريحة كبيرة من الجمهور خصوصا بالجمل الشهيرة اللي كانت بتتقال طول العمل، وحصل مصطفى شعبان على أجر 30 مليون جنيه مقابل دوره.
في المركز الخامس هيظهر الفنان حمادة هلال من خلال دوره في مسلسل المداح، واللي يعتبر من أهم أعمال رمضان وأكثرها متابعة من أول يوم اتعرض فيه الموسم التالت السنة دي، واللي كان بيقدم فيه شخصية صابر المداح واللي بيدخل في صراع مع عالم الجن، والفنان حمادة هلال تقاضى عند دوره في المسلسل ده مبلع 26 مليون جنيه.
اللي بينضم للمركز السادس في قايمة أعلى الأجور هيكون الفنان أحمد مكي، اللي شارك خلال الموسم الرمضاني بمسلسل الكبير أوي الموسم السابع، واللي حقق نجاح كبير وانتقادات كتير كمان، ولكن مكي هيفضل مكي واحد من أهم ممثلين مصر وأكثرهم موهبة، وهو حصل عن دوره في المسلسل السنادي على مبلغ 25 ميلون جنيه.
وفي الترتيب السابع بتظهر الفنانة نيللي كريم واللي قدرت إنها تحصل على أعلى أجر بين النجمات حسب الأرقام المعلنة، وده من خلال مشاركته في الموسم ببطولة مسلسل عملة نادرة، واللي تقاضت عنه 22 مليون جنيه.
في الترتيب التامن بيظهر النجم ياسر جلال، واللي خلال آخر كام سنة قدر يحجز مكانه على خريطة نجوم الدراما، واللي كان مشارك من خلال مسلسل علاقة مشروعة، وشاركه في البطولة الفنانة مي عمر، وحصل مقابل دوره في المسلسل ده على مبلغ 20 مليون جنيه.
وفي المركز التاسع بتظهر النجمة منة شلبي بدورها في مسلسل تغيير جو، وهو العمل اللي كان بنظام الـ15 حلقة، وقدر إنه يحقق نجاح معقول بين الجمهور، ويمكن منة شلبي هي تاني أعلى أجر لنجمة بحصوها على رقم بيتراوح بين 17 و20 مليون جنيه.
في المركز العاشر بتظهر الفنانة منى زكي واللي قدمت واحد من أهم أعمال الدراما المصرية، وهو مسلسل تحت الوصاية، وده بعد حصولها على مبلغ يقترب من 11 مليون جنيه.
بعد كدة بقى بتظهر الفنانة ياسمين عبدالعزيز بطلة مسلسل ضرب نار واللي حصلت على 8 مليون جنيه، ونسبة من الإعلانات، ومن بعدها بيجي الفنان أحمد العوضي اللي بيحصل على 8 مليون جنيه فقط.
