لا تتتخيلوا أن االمخرج محمد سامي سوف يعرفكم من هو ابن جعفر العمدة بكل سهولة، فمن الممكن ان يظل اللغز حتى أخر جقيقة في الحلقة الأخيرة ، لأن هذه هي طريقة المخرج محمد سامي وهذه هي طبيعة مسلسلاته.
محمد سامي مخرج شاطر .. بس الأهم من الشطارة انه مخرج ذكي .. عرف ايه اللي بياكل مع الجمهور .. و بقى بيلعب عليه في كل مرة يعمل مسلسل .. و الصراحة معظم مسلسلاته نجحت جدا .. سواء لو هو اللي مألفها و لا حتى هو بس اللي أخرجها ..
ومنقدرش ننكر انه بيعرف يقدم الممثل اللي معاه بشكل مختلف .. و لو بصينا على مسلسلات محمد سامي هنلاقي انه عنده روح المغامرة عالية أوي .. يحب يعيش اللي بيشوف المسلسل في جو تشويق و اثارة .. و توقعات .. مع حتة بقى مبالغة شوية في الأحداث .. حتة هندي كده .. اللي هو البطل مش هينتهي بالساهل.. ولا الشخص الوحيد اللي معاه السر .. مهما حصل فيه هيفضل عايش .. زي اللي حصل في بلال شامة ..
ولو بصينا على الفنانين اللي اشتغلوا معاه زي مثلا غادة عبد الرازق .. قدم معاها أكتر أعمال نجحت ليها .. كان فيها حته التنويم ديه .. اللي هو طول المسلسل انت فاكر حاجة .. وفي أخر حلقة تطلع حاجة تانية خالص .. زي مسلسل ” مع سبق الاصرار” .. و اللي فضلنا طول المسلسل مقتنعين ان ماجد المصري راجل طيب .. و حنين و العوض ل غادة عبد الرازق .. بعد اللي عمله طارق لطفي معاها و اللي فضلنا لحد قبل أخر حلقة احنا كارهينه… و هنا محمد سامي عمل التويست اياها .. و هوب بيكشف ان ماجد ده توكسيك و انه سبب دمار العيلة كلها…
و نفس الكلام في مسلسل حكاية حياة .. و اللي من أول المسلسل .. لحد أخر حلقة احنا مقتنعين ان أدهم ” و اللي قام بدوره أحمد مالك” .. هو ابن حياة ” غادة عبد الرازق ” .. و ان عيلة حياة ديه أسوأ من عيلة فتح الله اللي في جعفر العمدة .. و بردو في أخر لقطة نكتشف انه مش ابنها .. و انها مريضة فعلا و لازم تتعالج ..
ولو شوفنا تيمة مسلسلاته مع رمضان .. هما الاتنين عرفوا سر خلطة النجاح .. راجل بيدور يا على حقه .. يا على بنته .. يا على ابنه .. و مبتجليش.. بتنجح حتى لو القصة مهروسة .. وحتى لو محمد رمضان طلع بشخصية الأب و ابنه .. و حتى بردو لو محمد رمضان بيتسجن في كل مسلسل حتى لو يومين زي جعفر السنة ديه .. بس بردو بتنجح ..
والسنة ديه جعفر بيدور على ابنه .. اللي هو مختفي من ١٩ سنة .. فيظهر أحمد داش اللي بيدور على أبوه بقاله ١٩ سنة .. فالمتابعين كلهم قالوا بس داش هو ابن رمضان اللي مختفي من ١٩ سنة .. بس دماغ سامي مش بالبساطة ديه يا جماعة .. وفي الحلقات اللي جاية هتظهر حاجة تقلب كل التوقعات ديه .. و هو بيعمل كده علشان يفضل عامل الجذب شغال .. الناس بتتفرج .. و كل يوم بتتوقع حاجة .. و كل يوم الحلقة بتقفل على لغز .. بس أكيد كل الألغاز ديه ليها نهاية .. واللي هيبينها سامي في أخر لحظة .
