شارك الفنان محمد صبحي، الساعات الماضية، في الماستر كلاس الذي أقامه المهرجان القومي للمسرح المصري.
وخلال اللقاء قال محمد صبحي: “اتربيت في أسرة فقيرة تلهث للتشبث بالطبقة المتوسطة.. كنت بسرق من الأجزاء المرمية من الفيلم من السينمات اللي جنب بيتي وكنت عايز اعمل سينما جوه البيت عندي.. بيني وبين السينما متر ونص عملت سينما في البيت عندي ومع اول تجربة البيت ولع عندي وكلت علقة كويسة”.
محمد صبحي: “أبويا ضربني بالقلم لهذا السبب“
وأردف محمد صبحي: “عمري ما تمنيت غير اني أكون راقص باليه أو عازف كمان.. وأتذكر أن والدي ضربني بالقلم عشان كنت في مسرح بتحرك على الكرسي اللي قاعد عليه.. قالي لما تقعد على كرسي في المسرح الكرسي ميزيقش”.
وفي وقت سابق، هاجم محمد صبحي ظاهرة قيام بعض الرجال بارتداء الحلق، تحت مسمى الحرية الشخصية والثقافة.
وقال محمد صبحي خلال لقائه: “النهاردة في رجالة بتلبس حلق ويقولوا حرية شخصية، من أين أتيت بهذه الثقافة لمن يقول إنها ثقافة؟”
وأضاف: “لو دي حرية شخصية طيب أنا أقلع ملط وأمشي في الشارع وأنا حر، ده نفس المنطق”.
وسخر محمد صبحي من هذه الظاهرة قائلا: “علشان تلبس حلق وتقعد قدامي لن أحترم نفسي وقطعا لن أحترمك”.
اقرأ ايضا:
أحمد فهمي ينفعل على إيمي سمير غانم: «وطي صوتك».. ورد فعل صادم منها
