وجه الفنان محمد عطية رسالة نارية للفنان تامر حسني وزوجته السابقة بسمة بوسيل، معبرًا عن استيائه من نشر تفاصيل خلافاتهما الشخصية على وسائل التواصل الاجتماعي.
وقال عطية خلال استضافته في برنامج “سابع سما” :”أنا باحترم تامر حسني جدًا، لكن عندي تحفظ على نشر المشاكل العائلية على العلن. أي علاقة، سواء كانت زواج أو ارتباط، المفروض تفضل بين الطرفين، وما تبقاش مادة للنقاش على السوشيال ميديا ، وانا لو هتكلم عن حد مرتبط بيه هقول الحلو بس رغم إن ممكن يبقي فيه و فيه عيوب”.
محمد عطية يوجه رسالة نارية لـ تامر حسني وبسمة بوسيل
وأضاف أن المشاهير يجب أن يكونوا قدوة للجمهور، وأن نشر الخلافات قد يؤثر على صورتهما أمام محبيهما، مؤكدًا أن المشاكل العاطفية يجب أن تُحل في أجواء من الخصوصية والاحترام المتبادل.
ومؤخرا نشر الفنان تامر حسني صورة وشرح معناها لجمهوره وقدم لهم نصيحة قبل شهر رمضان المبارك على صفحته الشخصية بموقع التواصل الإجتماعي إنستجرام.
وكتب تامر: “على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميل …. تفتكروا لو اللي شايل كل الناس دي على ضهره لوحد من اللي شايلهم غلط فيه أو ظلمه أو حد سخنه و خلاه يقول كلام مش فيه أو شتمه حتى شتيمه صريحه”.
وتابع: “لو اللي شايل الناس دي كلها قرر يقوم ويقف ويرد عليه !! هيحصل إيه للناس دي كلها اللي ملهاش ذنب !!؟ أكيد هيقعوا ويتعوروا و هما ملهمش ذنب و خصوصاً إن اللي شايل الناس دي كلها هو شايلهم لإنه بيحبهم كلهم فا أكيد هيلتمس للي بيحبهم مليون عذر وعذر وخصوصاً ان اللي متشالين عشان هما فوق فا مش شايفين معاناة اللي شايل عشان كده ربنا بيدي الشخص المسؤل عن ناس كتير أو موظفين أو عيلة قوة تحمل وصبر و حكمة ورحمة مش عند حد و عشان كده ربنا بيباركله في مشواره اللي ماشيه وهو شايل كل دول من غير ما يشتكي بل بالعكس مستمتع وهما على ضهره “.
واختتم: ” وصف الرسول عليه الصلاة و السلام الرجل القوي الشديد باللي بيمسك نفسه عند الغضب مش اللي بيتخانق و يضرب يلا نبدأ ال الشهر بالتسامح و الرحمة و رمضان كريم على الجميع”.
اقرأ ايضا:
