علقت الإعلامية ياسمين عز على زيارة المدرب الأسباني جوارديولا، إلى مصر من خلال برنامج «كلام الناس» عبر شاشة «mbc» اليوم السبت، مشيرة إلى جاذبية الراجل الأصلع وسر انجذاب الفتيات إليه.
وقالت ياسمين عز من خلال برنامج «كلام الناس» عن جوارديولا: « أجمد مدرب في العالم أو الرجل الداهية واللي بيزور مصر مع أسرته حاليًا لفت نظري إن له معجبات في مصر بالملايين واستوقفتني حاجة مهمة وهي إيه سر جاذبيته وهو إنه أصلع».
وأضافت: «الرجل الأصلع مفيش رجل أصلع مش جان لأنه بيكون ضد الزمن والشيخوخة لا تجعيدة تحصل ولا شعرة بيضة تلاقي ولا تكشيرة، وهتتجوزيه تلاتين سنة هيفضل عنده 30 سنة أنت هتكبري وشعرك يبيض وهو هيفضل شباب العمر كله، لأن دي جينات وهو بيلمع، مش انفعالي ولا هوائي، حد تقيل في نفسه وما عندوش شعرة ساعة تروح وساعة تيجي، ومعندوش قصة أنا رايح للحلاق ساعتين ويا بختك تكلميه في أي وقت».
وأوضحت: « الرجل الأصلع اقتصادي مش هيضيع وقته ولا فلوسه وبيديكي الفلوس دي تصرفيها على شعرك أنتي، وبني آدم مخلص لأبعد الحدود وهيتقال شعره وقع من كتر التفكير فيكي، وأنتي ضامنة إنه هيكون ملكك بس ومش هتقدري تقول إنه عرف ستات بعدد شعر راسه، علشان كده بقولك لك اتجوزيه وخدي مني النصحية».
