تداول رواد مواقع السوشيال ميديا مكالمة هاتفية بين كل من عمر الشريف و محمد رمضان، حيث كان يتحدث عمر الشريف عن موهبة محمد رمضان ومستقبله والي نص المكالمة.
-معانا على التليفون النجم العالمي عمر الشريف .. أستاذ عمر ايه رأيك في موهبة محمد رمضان ؟؟
=موهبة غريبة خالص ، موهبة عالية جدا جدا وفي المستقبل هيكون أحسن مني بكتير وهيكون أحسن ممثل في مصر
-محمد عينيه رغرغت وبيعيط من كلامك والله يا أستاذ عمر
=انا والله بقول الحقيقة ، يعني انا ايه مصلحتي في اني امجده ؟! انا اعرفه شوية كدهو واتعشيت معاه مرتين تلاتة بس ده ملوش دخل بكلامي عن موهبته لان انا انبسطت جدا والله بالتمثيل معاه وقصاده
-ده درس والله لمحمد عشان يكون متواضع زي حضرتك
=لا يا حبيبتي والله انا بقول الحقيقة اللي أوقات بتبان تواضع بس هي حقيقة مش تواضع .. بصي انا مثلت معاه مشهدين تلاتة اتجـ. ـننت والله العظيم لاني قابلت واحد صحيح هو مش نجم دلوقتي بس في المستقبل هيكون أحسن وأهم ممثل في مصر ان شاء الله وابقوا افتكروا كلامي ده
-محمد مش قادر يمسك نفسه من العياط يا أستاذ عمر وبصراحة عنده حق بعد كلامك ده .. عيط يا محمد
