هاجمت الإعلامية مروة صبري، الفنانة شيرين عبدالوهاب، وذلك بعد إعلان عودتها إلى طليقها الفنان حسام حبيب، بعد ما حدث بينهما مؤخرا من خلافات وقضايا، وذلك خلال برنامجها «قعدة ستات» المذاع على شاشة «القاهرة اليوم».
وقالت مروة صبرى :«بعد كل اللي شفناه حسام حبيب مظلوم ويا حسام ،أنت اللي غلطان إنك وافقت ترجع، وأنت حر في اللي هيتعمل فيك، استحمل أما يتقال عليك نصبت عليها، وبهدلت حياتها وضربتها وضربت بناتها، وحصل فيك كده مرة واتنين وتلاتة وأربعة، وفي الآخر رجعت، الصراحة أنا مستغرباك».
وانتقدت الاعلامية مروة صبرى، تصرفات حسين حبيب والد الفنان حسام حبيب قائلة :«الإفيه الأعلى أبو حسام حبيب من أسبوعين كان بيقوله أنت تربية ست واستفز العالم كله، وكان واقف مع شيرين ضد ابنه، والنهاردة بيبارك لهم وبيتمنى يجيبوله حفيد بسرعة، أحنا بنهزر ولا أنتوا بتستخفوا بعقل الجمهور».
وأضافت :«يا عم خليك بعيد، وكنت رافض شيرين، دلوقتي أنت فرحان وهاتولي حفيد وبتحب شيرين».
وجهة الاعلامية مروة صبرى رسالة قاسية للفنانة شيرين عبدالوهاب وزوجها حسام حبيب، قائلة: «أنتوا كده بتلعبوا الكورة بالجمهور، الجمهور كله مشي تبع شيرين لو حبيبته هيحبوه، كرهتوا هتكرهوا، وإزاي نصدقك«.
أضافت :«وفين مصداقية شيرين، وكل يوم طالعة بتصريح وتشتمي فيه، ومع ذلك لو في بينكوا مشاكل الدنيا والأخرة، إحنا كل اللي يهمنا منك فنك فقط، والتدخل الزائد في المشاكل الشخصية بقى بايخ».
