خناقة جديدة بين شيرين عبدالوهاب وحسام حبيب لكن هذه المرة في لبنان أمام الناس، وتحولت الخناقة إلى أزمة كبيرة أمام الحناس.وعلى الرغم من الحب والأغاني التي كانت تغنيهم شيرين ، فماذا حدث ولماذا قام بضربها في الكباريه، تفاصيل كثيرة سنتعرف عليها من خلال التقرير التالي:
من جديد رجع الكلام على شيرين عبدالوهاب وحسام حبيب لكن المرة دي بخناقة جديدة لكنها تحولت لكارثة بينهم أولا لأنها برضو قدام الناس مش بس كده لكنه وصل الأمر إلى الاشتباك بالأيدي بينهم لغاية لما الأمر تحول إلى أنه بهدلها قدام الكل والأمن تدخل في قصة كبيرة جداً.
طيب هو إيه اللي حصل؟
بداية القصة كانت لما تداول ناس كتير على السوشيال ميديا فيديوهات لشيرين عبدالوهاب وفي بتشتري حاجة في أحد المولات التجارية بلبنان وهي بتقضي عطلتها هناك مع جوزها حسام حبيب وابنتها.. واللي ظهرت فيها وهي بتفرض تتصور مع الناس أو تتكلم معاهم.. لكن بعدها ظهرت شيرين وهي في أحد الكباريهات في لبنان ومع مجموعة من الناس وكانت بتغني وترقص زي كل مرة.
الفيديوهات دي انتشرت بشكل كبير والكلام بيتقال أنهم كانوا في سهرة رومانسية مع جوزها حسام حبيب وهي اللي كانت بتغني له عدد من الأغاني الرومانسية وفرحانة بيه بشكل كبير.. لكن خلال الفيديوهات ظهرت وهي في إيديها سيجارة عشان تكون دي اللقطة اللي أثارت الجدل بشكل كبير على السوشيال ميديا والناس تنتقدها وإزاي بتشرب سجاير .
حسام حبيب زعل من أن الناس اللي حصل وحاول يتعاتب شيرين وأنها إزاي تعمل كده لكن الأمر تطور الأمر في أن شيرين رفضت أنه يتكلم معها في الوقت ده كانوا بيشربوا في الكبارية الخاصة بالفندق اللي قاعدين فيه عشان يتحول الأمر إلى خناقة كبيرة بينهم كل واحد فيهم بيدافع عن كلامه.
لكن بسبب أنهم شاربين وفقا للي قالوه الناس عن شهادات العمال في الفندق أنهم بدأوا يتعصبوا واتحولت الخناقة بينهم إلى الاشتباكات بالأيدي وده اللي خلى حسام اتعصب وقام أداها بالقلم قدام الكل في الكبارية.. مش بس كده ولكنه استمر كمان في بهدلتها بشكل كبير عشان هي تحاول تدافع عن نفسها وده اللي يحول الأمر لخناقة كبيرة بينهم يتدخل في النهاية العاملين في الفندق ويفضوا ما بينهم.
الأخبار اللي انتشرت عن الخناقة الكبيرة بينهم كانت حديث الناس على السوشيال ميديا وأنه إزاي تسيبه يعمل فيها كده تاني، في الوقت ده طلع حسام حبيب ونفى أنه يكون حصل بينهم خناقة وقال إن الموضوع نرفز ومحصلش ولا مد إيده عليها وأن علاقتهم مع بعض زي الفل ومفيش أي حاجة من الكلام ده.
في نفس الوقت علقت الإعلامية نضال الأحمدية على أنباء الخناقة بين شيرين عبد الوهاب وحسام حبيب، مؤكدة أن شيرين ضحية، وأن الجمهور هيكتشف القصة دي في الأيام اللي جاية وكمان قالت فين إدارة أعمال شيرين اللي تمنعها أنها تتصور بالسيجارة وأن الموضوع مقصود.
