مفاجأة بشأن ثروة عمرو أديب وقصة زوجته الأولى

ناس كثيرة تعرف الإعلامي عمرو أديب سواء في مصر أو في الوطن العربي وحتى الدول الأوروبية، لكن توجد العديد من الأسرار التي لا يعرفها الكثير عنه.

هل يا ترى عمرو أديب بياخد كام في برنامج الحكاية اللي بيقدمه على فضائية إم بي سي السعودية؟، وهو متجوز غير لميس الحديدي ولا لأ؟، كل ده وأكتر هنعرفه في التقرير التالي:

ناس كتير بتتفرج على برنامج عمر أديب اللي هو الحكاية، بس محدش عارف الراجل ده بياخد كام في السنة، طبعا كل الناس بتشوف وهو طالع يتكلم على إن مفيش حد بقى معاه فلوس والدنيا بقت صعبة، ولازم يبقى في حل للأزمة الاقتصادية.

المهم إن الراجل اللي بيكشف كتير من قلة الموارد المالية للناس ده بياخد مبلغ مش بطال واللي هو ممكن يعيش الناس اللي ظروفها على قدها دي سنة أو أكتر من غير شغل.

مش بس كده انتشرت تقارير في الفترة الأخيرة عن إن عمرو أديب بياخد حوالي 65 مليون و450 ألف دولار في السنة، فلو حسبنا كده ممكن تكون دي ميزانية مدينة كاملة، وممكن يوصل حجم ثروته لأكتر من 200 مليون جنيه.

برنامج الحكاية أهم المحطات في حياة عمرو أديب

الإعلامي الشهير قال إن برنامج الحكاية من أهم المحطات في حياته، وعشان كده إنه مش حابب يشوف نفسه في القاع أبدا، كمان ضاف إنه هيعتزل وهو في قمة مجده.

كمان عمرو تابع كلامه بإن اعتزاله للمهنة مش هيمحيه من الذاكرة بالعكس الناس كلها هتفضل فاكراه، لكن وقتها هو هيتفرغ للسفر والإجازات اللي بلا حدود وخصوصا في أوروبا.

نجل السينارست عبد الحى أديب

الإعلامي المصري هو نجل السينارست الكبير الراحل عبد الحي أديب، وأخوه الإعلامي الاقتصادي الشهير عماد أديب، واللي عنده شركة جود نيوز، مش بس كده ده كمان عندهم أخ تالت اسمه عادل أديب، وده اللي حب يشتغل في مجال الإخراج السينمائي.

جواز عمرو ولميس الحديدي

طبعا لميس إعلامية شهيرة وناس كتير عارفة إنها زوجة عمرو أديب، بس القصة بدأت بالحب والاهتمام من الاتنين لحد ما اتجوزوا، وعايشين في حياة سعيدة وخلفوا نور الدين، بس الأهم واللي في ناس كتير متعرفوش إن عمرو اتجوزها بعد ما انفصل عن زوجته الأولى أمانى سوكا، واللي خلف منها ولد واحد وهو خالد.

شهرة عمرو أديب من التمثيل

عمرو أديب ثروته وشهرته مش من فراغ، بالعكس ده بدأ المشوار من وقت ما المخرج محمد فاضل خلاه يمثل دور فى فيلم “كوكب الشرق”، وكمان استعان بيه المخرج الأردنـى “محمـد عــزيزية” فىحلقة من مسلسل “قضية رأى عام”، وكان وقتها بيجسد دور إعلامى بيناقش قضية أثارت الرأى العام.

مش بس كده ده اشتغل في مجال الاقتصاد في الصحافة المصرية وتدرج في مراتبه الاوظيفية لحد ما بقى رئيس تحرير جريدة “العالم اليوم” والمدير التنفيذى لإذاعة “نجوم إف إم”.

وفي النهاية وده اللي قدرنا نوصله إن عمرو عنده كافيه بتاعه اسمه “Quay”.