شئ غريب يحدث في العالم هذه الأيام، القارات فتحت على بعضها وانتشرت العديد من الأخبار بشأن تعاون النجم أحمد عز مع بطلة الأفلام الجريئة ميا خليفة في عمل سينمائي قريب فما حقيقة هذا الأمر؟
من باب المعلومات العامة كده والثقافة المعرفية يعني.. أكيد سمعت في يوم من الأيام عن قصة ميا خليفة.. بطلة الأفلام الإباحية اللي بدأت طريق الشهرة والفلوس من الباب المشبوه.. بس بعد كده قررت إنها توقف نشاطها وتحوله لحاجة تانية خالص
من كام يوم ظهرت ميا خليفة في ندوة في جامعة أجنبية كبيرة.. واتكلمت عن نفسها كسيدة عصامية بنت مشوارها من الصفر.. وبعد ما اطمنت على مستقبلها وأمنت نفسها ماديا.. قررت تشتغل فنانة بجد.. وطلع كلام كتير مؤخرا عن مشاركتها كبطلة في أفلام سينمائية جوه تصنيف 18+.. ولحد دلوقتي محدش كان متخيل ان القرار ده بجد
تقوم أول ما تبدأ كده.. يجي اسمها على طريق الفنان أحم دعز على طول.. بعد ما طلع أخبار إنهم هيشتركوا سوا في فيلم.. وإن عز مضى عقد مع منتج على أساس إنه البطلة بتاعته أجنبية بس مكنش هتخيل هي ميل
الأخبار بتقول إن في فخ اتنصب لأحمد عز .. واكتشف بعد فترة إن البطلة اللي المفروض تشارك قدامه في فيلم جديد هي ممثلة الأفلام الإباحية ميا خليفة.. وإنه لما عرض عمل مشكلة كبيرة وساب الفيلم واتخانق مع المنتج
لكن مصادر مقربة من النجم أحمد عز نفت كل ده.. وقالوا إنه متعاقدش على أي أفلام جديدة الفترة دي.. وإن الكلام ده هدفه تشويه سمعته.. كالعادة يعني كل ما يحقق نجاح في أعماله يطلع عليه إشاعات واسمه يجي في مشاكل
واللي بدأ الإشاعة دي هي البنت اللي ظهرت مع عز في إعلان لشركة خطوط تليفون بيتذاع دلوقتي في التلفزيون.. بشكل ما البنت شبه ميا خليفة جدا.. لدرجة إن الناس كانوا فاكرينها هي.. بس كالعادة دي أخبار مش حقيقية
الموضوع موقفش عند أحمد عز بس.. ميا خليفة دلوقتي بتتفاوض عشان تبقى بطلة مع نجم بوليوود الشهير سلمان خان.. اللي بيحضر للجزء التاني من مسلسله Bigg Boss OTT.. والصحف الهندية كلها بتتكلم في الموضوع وعاوزين يعرفوا المعلومة دي حقيقة ولا إشاعات برضه زي أحمد عز
مسلسل أو برنامج سلمان خان هو عرض تلفزيوني واقعي بيظهر فيه نجوم ومشاهير كتير ومحقق نجاح كبير من خلال الجزأ الأول منه.. ومتوقع إن الموسم التاني يبقى فيه مفاجآت وضيوف أكتر.. ومش بعيد تكون ميا خليفة أبرزهم طبعا
الأكيد إن ميا خليفة مش هتوقف خطتها لتصحيح مسار حياتها والكارير الفني بتاعها.. وبتحاول تثبت طول الوقت إنها مكنتش غلط لما بدأت الطريق بالأفلام الإباحية وإنها بورن ستار بالعكس.. فنانات كتير في هوليوود بدأوا حياتهم بالشكل ده وبعد كده لما حققوا الشهرة المطلوبة ظبطوا الدنيا وبقوا فنانات حاصلين على جوائز وليهم مكانتهم
ناس كتير متعرفش إن ميا خليفة من أصول لبنانية وكانت عايشة فيها لحد أول الألفينات لغاية ما اتنقلت مع أسرتها لأمريكا واتعلمت هناك وخدت بكالوريوس في التاريخ ولما لقت صعوبة في إنها تشتغل بشهادتها.. عرض عليها منتج الظهور في النوعية دي من الأفلام وكان عندها وقتها 22 سنة.
اشتغلت ميا خليفة اللي عندها دلوقتي 30 سنة في المجال ده وحققت نجاح وانتشار سريع جدا.. وكانت أفلامها بالملايين على الإنترنت.. لغاية ما اتوسعت وبدأت تظهر في فيديو كليبات وأغاني وقدمت برامج مسابقات نوعية .. لإن طبعا وجود اسمها في أي حدث كان بيديله شهرة ونجاح من غير حاجة
أصول ميا خليفة العربية واعتزازها دايما بإنها لبنانية الأصل وتعبيرها من خلال السوشيال ميديا عن حبها لبلدها واصولها.. ومش بعيد تكون هي اللي عاوزة تيجي مصر وتمثل هنا.. وتعبر عن ثقافتها اللي بتفتقدها في أمريكا
هنشوف الفترة الجاية ايه اللي هيحصل في حياة ميا خليفة الجديدة.. ويا ترى أحمد عز ولا غيره اللي هيكون صاحب السبق في إنها تظهر في السينما المصرية.. يا خبر بفلوس بكره يبقى ببلاش.
