مفاجأة بشأن عودة تامر حسني وبسمة بوسيل

الطلاق ليس النهاية، هذا الشعار الذي رفعه تامر حسني وبسمة بوسيل بعد ما أعلنوا انفصالهم بشكل رسمي منذ عدة أيام، واتفقوا انهم يكونوا أصدقاء من أجل مصلحة أولادهم .. فهل هناك محاولة للرجوع من جديد؟ هذا ما نعرفه في التقرير التالي:

خلال الكام سنة الاخيرة سمعنا كذا مرة اشاعات عن انفصال تامر وبسمة ، لكن كل مرة كان تامر بينفيها ويرجع لمراته لانه شخص مبيحبش خراب البيوت وعشان خاطر ولاده التلاتة ، لكن للاسف المرادي لما سعنا الخبر كان حقيقي مش اشاعة.

تامر وبسمة انفصلوا من ايام قليلة وكتبوا ده بشكل رسمي وواضح على السوشيال ميديا عشان يشاركوا جمهورهم بالخبر ، وطبعا كانت صدمة كبيرة للجمهور لانهم جمعتهم قصة حب كبيرة من زمان وتامر كان حريص دايما على علاقته ببسمة

وبعد ما اتطلقوا بأيام قليلة، رجعوا اتجمعوا في اول مناسبة ليهم في عيد ميلاد بنتهم أمايا اللي كملت 8 سنين ، لكن مكنش لقاء عادي، ايه اللي حصل ؟

تامر وبسمة ظهروا في فيديوهات العيد ميلاد وهما واقفين جنب بعض وشايلين ولادهم التلاتة وبيضحكوا ويهرزوا ويبسطوا اولادهم عشان ميحسوش ان الطلاق ده اثر على حياتهم خاصة وانهم لسة سنهم صغير.

وكان تامر وبسمة بيتعاملوا عادي بشكل شيك وراقي كدا ولا كأنهم مطلقين من كام يوم ، وده اللي اثار استغراب المتابعين
بسمة كانت مندمجة اوي وبترقص وتغني وتلعب مع ولادها عادي ، لكن تامر بقى لو كزت معاه هتلاقيه كان بيمثل … ايوة كان بيمثل انه مبسوط وبيحاول بس يفرح ولاده ويبين انه عادي والطلاق مش نهاية الدنيا ، لكن الحقيقة انه كان باين عليه جدا انه متاثر.

كلنا عارفين طبيعة شخصية تامر حسني واد ايه هو مرح وكوميدي ودمه خفيف وبيعمل اجواء حلوة، فمابالك بقى في عيد ميلاد بنته كان واقف بيضحك بالعافية؟

اللي يأكد الكلام ده كمان ان بعد ما تامر وبسمة اعلنوا انفصالهم بشكل رسمي، بعدها بكام يوم تامر حسني نشر صور ليه على ستوري الانستجرام ، وحط عليها اغنيته الشهيرة ” ارجعلي انا قلبي معاك”، طبعا كلنا فاكرين الاغنية دي اللي غناها لمي عز الدين في فيلم عمر وسلمى لما سابوا بعض.

طبعا الجمهور هنا عرف ان تامر بيمر بازمة نفسية صعبة بسبب انفصاله عن بسمة ، وانه عايز يرجعلها تاني وبيحاول يلمح لها بطريقته انه مش مبسوط بالقرار ده.

واضح ان تامر مضايق من فكرة الانفصال وانه مكنش راضي عن الطلاق لكنه اضطر يعمل كدا وان ده كان قرار بسمة وهو اتجبر يوافق.

تامر لما جه يعلن الطلاق كتب كلمتين حلوين ، وقال :” وجعلنا مودة ورحمة بين الأزواج في كل حالاتهم، سواء تزوجوا أو لم يقدّر الله الاستمرار… فانفصلنا بالاتفاق الطيب وستظل بيننا المودة والرحمة وأجمل أولاد وسيظل بيننا الاحترام والتقدير، عشرة 12 سنة مش هينة، ربنا يكتبلك ويكتبلي كل الخير يا بسوم… سأظل الأب والأخ والصديق والسند… في حفظ الله”.

ولاد تامر حسني التلاتة لسة صغيرين وفي سن محتاج وجود الاب والام معاهم ، ودايما تامر كان حريص على علاقته بولاده وانه مش عايز يخرب بيته وبيستحمل تهور بسمة ومشاكلهم الكتير وبيحاول يلم المواضيع عشان خاطر عياله.

المشكلة كمان ان بسمة بوسيل مغربية ، و تامر حسني مصري ، يعني كان في مشكلة في الاطفال دول هيقعدوا فين ومع مين ، ياترى هتاخدهم بسمة ويفضلوا مع امهم زي اي وضع بعد الطلاق، وممكن ترجع بلدها؟ ولا هيفضلوا في مصر يتربوا مع ابوهم ؟ .. طبعا كل ده كان مخاوف قلقت تامر وخليته يتراجع كتير عن فكرة الطلاق ، لكنه في النهاية نصيب والكل مستني ان تامر وبسمة يتصالحوا ويرجعوا لبعض من تاني.