مفاجأة جديدة في قضية أحمد عز وزينة فهل تنتهي بالصلح؟

بالرغم من مرور فترة كبيرة على انتهاء الأزمة بين أحمد عز وزينة، إلا إن مفاجأة جديدة من الواضح أنها ستقلب كل الموازين، لكن هل ممكن فعلا تنتهي بالصح ما بينهم؟

مفاجأة جديدة لجمهور الفنان أحمد عز والنجمة زينة، واللي كانت عبارة عن عرض من محكمة الأسرة بالتصالح، في الدعوى اللي كانت رافعاها زينة على أحمد عز بالدفع أو الحبس بخصوص طلبها أجر مسكن وحضانة حوالي 2 مليون و761 ألف جنيه.

هل هيرجعوا لبعض؟

العرض اللي قدمته المحكمة لأحمد عز وزينة دفع ناس كتير من جمهور السوشيال ميديا إنهم يتوقعو رجوع أحمد عز وزينة لبعض، إلا إن قرار المحكمة بالرغم من إنه بيسعى للتصالح إلأا إنه برضو مش معناه رجوع زينة لأحمد عز.

مش المرة للصلح

دي مكانتش المرة الأولى اللي محكمة الأسرة بتعرض فيها الصلح، دي حاولت كتير مع الاتنين، لكن مكنش فيع فايدة، وخصوصا لما الفنانة زينة طالبت بزيادة نفقة الطفلين لمبلغ 60 ألف جنيه، وفعلا المحكمة حكمت لصالحها، بعد ما المحامي قدم ورق يثبت إن دخل الفنان أحمد عز الشهر بيعدي الـ10 مليون.

دايما متصدرين التريند

دي مش أول مرة عز وزينة يتصدرو التريند بموضوع أولادهم، بالعكس تقريبا هما دايما تريند بسبب الموضوع ده، وتحديدا من سنة 2013.

قصة حب في أمريكا

زينة قالت إن هي وأحمد عز جمعتهم قصة حب، أو ده اللي كان بيخدعها بيه، والقصة انتهت بزواجهم في القنصلية الأمريكية في أمريكا، لكن بعدها والد أحمد عز تعب جدا واضطر إنه يسافر عشان يشوفه، مش بس كده دي زينة قالت كمان إن أحمد عز قالها لازم تولد في أمريكا عشان ولادهم ياخدو الحنسية، وده السبب اللي مخلهاش ترجع عشانه.

زينة كانت بتتصل بعز كل شوية وكل يوم، بس الظاهر إنه تعب منها، وبطل يرد عليها ومن هنا بدأت المشاكل لحد ماوصلت لمحكمة الأسرة.

دعوى إثبات نسب

الفنانة زينة قررت ترفع دعوى إثبات نسب ضد أحمد عز واللي بدوره قال إنهم مش ولاده، وقالها «روحي شوفي جيباهم منين»، لكن زينة مسكتتش وقررت إنها مش هتسيب حق عيالها، وفعلا كسبت القضية بعد تحليل الـDNA واللي رفض أحمد عز إنه يحضره.

رجعت تاني زينة رفعت قضايا نفقة دراسية ضد أحمد عز، وكسبتها فعلا وكانت بتاخد كل شهر 23 ألف جنيه استرليني، ولما استأنف أحمد عز على القرار المحكمة رفضت وقالت إنهم عياله ولازم يعيشو على مستوى معيشة والدهم.

قلبه قاسي

من ضمن تصريحات الفنانة زينة إنها قالت إن خلافها مع أحمد عز خلى قلبه قاسي على أولاد ولما واحد من عياله احتاج تبرع بالدم، وحاولت تتواصل معاه، رفض وقالها بمنتهى القسوة «مش هما دول اللي فضلتيهم عليا يارب ترجعي بإيدك فاضية»، زينة وقتها اتصدمت والدكاترة اعتقدوا إنها اتجننت، وخافوا يسيبوا الأطفال معاها بسبب الحالة النفسية اللي كانت فيها.

المعركة بين أحمد عز والفنانة زينة طويلة جدا، والمحاكم تعبت والإجراءات روتينية جدا، والأطفال هما اللي متضررين من خلاف والدهم ووالدتهم، ياترى الخلاف هينتهي بإيه شاركونا برأيكم في الكومنتات.