“عاجل اعتزال الأسطورة عادل إمام”.. خبر مثل الصاعقه نزل على كل محبى الفنان الكبير عادل إمام، قاله عدد كبير من صحفين الفن من قليل على فيس بوك منهم الصحفى خالد فرج، وجلسه دردشة ودية للزعيم مع صحبة خلصت الليله.
فهل أعتزل الزعيم بجد ولا مجرد شائعات ؟ .. ولو اعتزل فهل بسبب المرض ولا أيه حكايته بالظبط ؟ .. كل ده وأكتر هنعرفه مع بعض في التقرير التالي:
دايما سيرة الفنان عادل إمام حاضرة بقوة على الساحة، الفنان الأكثر شهرة في مصر والوطن العربى، الكل عايز يعرف أحواله ايه وصحته أيه، وهل هو سليم وبخير ولا مريض وحالته الصحية على القد ؟، طيب هل ياترى هيرجع يمثل ويعمل أفلام ومسلسلات ولا لأ ؟، طيب هل ممكن نشوفه قريب في مسرحية مثلا ؟، وطبعا ده كلها أسئلة مشروعه الجمهور حابب يعرفها عن نجمه المفضل.
وللأسف فيه إجابة صادمة قوى للجمهور أعلن عنها من شويه صحفى الفن خالد فرج اللى كتب على صفحته على فيس بوك سطر ملخصة أن خلاص الأسطورة الفنية عادل إمام أعتزل الفن، لا هيشارك في أعمال افلام ولا مسلسلات، ولا حتى نقدر نشوفه دقيقتين على بعض في مسرحية.
السؤال دلوقتى هل كلام الصحفى ده صحيح ولا لأ ؟
لما نجينا نتأكد من كلامه اكتشفنا أن مستند لتصريحات الفنان شريف حلمى صديق عادل أمام، شريف حلمى الى قال من شوية لموقع الوطن أن عادل أمام أحتفل بعيد ميلاده امبارح ووسط حفلة عيد الميلاد استشف من عادل أمام أنه خلاص قرر يعتزل الفن، لا هيشارك في مسلسلات ولا أفلام تانى خالص، خلال الزعيم وقف على كده.
عشان يكون عندكم رؤية أكتر عن قرار عادل أمام لازم تعرفوا أن شريف قاله في مره في قعدة ودية بينهم كده، سأله إيه رأيكم مش ناوى ترجع لنا بحاجة جديدة ؟، وكان رد الزعيم عليه ” هو حد عاوز منّي حاجة؟.. مش أنا عملت كل الحاجات، أنا خلاص أديت دورى وزى الفل”، وبيأكد الفنان شريف حلمى أن فعلا عادل أمام خلاص أدى اللي عليه وزياده شويه.
للى مايعرفش فيكم فا عادل أمام بقاله أكتر من 3 سنين تقريبا غايب عن الساحه الفنية، طول السنين دى طلعت شائعات كتير عن تعب عادل أمام، فيهم اللى قال أنه جاله زهايمر واللى قاله أنه خلاص فقد النطق وكلام كتير قوى من ده، بس كل الشائعات دى تم نفيها امبارح لما الفنان عادل أمام ظهر في مداخلة تلفزيونية مع شريف عامر على قناة mbc مصر، وخلال المداخلة ظهر الفنان عادل أمام وهو في قمة تركيزه ووعيه الذهنى، حتى خفة روحه كانت ظاهرة طول فترة المداخلة، كان بيضحك مع شريف طول المداخلة.
الغريب بقى أن الناس قالت أن أبن عادل أمام سحب منه الموبايل ومنعه منه بعد المداخله دى، والكلام ده نفاه عصام إمام نفسه، وقال أن كل الكلام ده مش صح.
لحد هنا ونكون نقلنا لكم الأقاويل التي تترد عن إعتزال الفنان الكبير عادل إمام، ووضحنا ليكم حالته الصحية والذهنية، اللى بيحب فيكم عادل إمام وفاكر ليه “أفيه” من أفيهاته العظيمة ياريت يكتبها في التعليقات.
