هل يمكن تضحي وتتزوج واحدة أكبر منك بـ6 سنين لأنك تحبها؟.. هذا ما فعله أحمد العوضي مع ياسمين عبدالعزيز في قصة حب ليست في الفن ولكن في الحقيقة.. العوضي الذي تزوج ياسمين بعد ما تخطت الـ40 لم يفكر في أي شئ غير حبه ليها وارتباطه بيها.
بس يا ترى قصة حبهم بدأت إزاي؟ وهل هيقدر يكمل حياته معها ولا من حقه يتجوزتاني ويخلف؟.. تفاصيل كتيرة هنكشفها في الفيديو ده.
بدأت العلاقة بين ياسمين عبد العزيز وأحمد العوضي سنة 2019 ، لما نشرت ياسمين بوست على حسابها الرسمي انستجرام، ودعمته الفنان احمد العوضي بكلام ايجابي لنجاح مسلسل شديد الخطورة، والعلاقة بدأت بصداقة أثناء تصوير مسلسل لأخر نفس اللي اتعرض في رمضان 2019.
ومن ساعتها وياسمين واحمد بقو يتقابلوا كتير، لكن لغاية الوقت ده الموضوع كان صداقة بس.. لكن في عيد ميلاد ياسمين عبدالعزيز الـ40 كانت بداية الارتباط لما ظهرت مع العوضي في صورة بانت أنهم قريبين من بعض وده اللي مكنش حد يتوقعه.. معقولة تكون في علاقة مع أحمد العوضي اللي أصغر منها بـ6 سنين.
اللي لفت الأنظار بعد كده أن ياسمين نشرت صورتها مع العوضي في عيد ميلادها ورد عليها العوضي بقلوب كتير، وبعدها كل الناس خدت بالها أن أكيد في حاجة بين العوضي وياسمين، والكل بقى بيتكلم عنهم وان اكيد في ارتباط بينهم.
لغاية لما ظهرت وائل عبدالعزيز أخو ياسمين وطلع هاجمها في بوست على حسابة الرسمي فيس بوك وانتقد تصرفات أخته وارتباطها براجل لصغر منها بـ 6 سنين ووجه اتهام لأحمد العوضي انه بيستغل ياسمين عشان هي نجمة كبيرة.
الهجوم على ياسمين جعلتها تعلن عن ارتباطها بالعوضي بشكل رسمي وأنهم اتجوزو، ونشر هو صورة ليها وكتب عليها “بحبك يا ياسمين” ، وبعدها نشرت ياسمين عبد العزيز نفس الصورة وكتبت عليها ” بحبك يا احمد ” ، وأعلنوا عن جوازهم عن طريق تغيير الحالة الاجتماعية على الفيس بوك من أعزب لـ متجوز.
وبدأت الناس تقول معقولة هيقدر يعيش معاها وهي أكبر منه.. طيب هيقدر يعيش معها وهي كبيرة في السن وفي صعوبة أنها تخلف تاني؟.. لحد ما ياسمين تعبت ودخلت المستشفي وحالتها استدعت انها تعمل عملية استئصال أكياس بتطلع ليها في الرحم وبتضطر تستئصلها للأنها بتسبب لها ألام شديدة ، ده غير لأن الأكياس دي بتمنعها من الخلفة ، وقالت ياسمين في برنامج “مع مني الشاذلي” ان الأكياس دي عندها من وهي 16 سنة وعملت عملية استئصال قبل كده.
كل ده هيبقى من الصعب على ياسمين أنها تخلف في الوقت اللي هي عندها ولد وبنت من جوزها الأول رجل الأعمال محمد حلاوة، لكن العوضي كان أول جوازة ليه هي ياسمين واكيد نفسه يخلف.
شاركونا برأيكم في التعليقات.. تفتكروا الحب ممكن يخلي أحمد العوضي يتنازل عن يبقى أب؟ ولا من حقه يتجوز تاني عشان يخلف؟ وهل ياسمين عبدالعزيز هتسمحه بده ولا لاء؟
