كشفت الفنانة مروي نصر عن تفاصيل إنسانية مؤثرة من الأيام الأخيرة في حياة الفنانة الراحلة إيناس النجار، مشيرة إلى أنها زارتها في العناية المركزة قبل وفاتها بأيام قليلة.
وكتبت مروي نصر عبر حسابها بموقع فيسبوك: «لما كنت عند إيناس قبل الوفاة بكام يوم، طلبت من سوار ومامتها يدخلوني أشوفها بأي شكل في العناية، رغم إن كل الناس قالولي بلاش هتزعل، لأنها في غيبوبة تامة».
مفاجأة في اللحظات الأخيرة في حياة إيناس النجار.. ماذا طلبت قبل رحيلها؟
وأضافت: «ولما دخلت، كنت أنا ومامتها، وفجأة شالت جهاز التنفس وطلبت مية تشرب. مامتها قالتلها: أنا مين؟ ردت عليها وقالتلها: إنتِ محمود، بضحكة جميلة قوي. أول مرة أشوف إيناس بتضحكها».
وتابعت: «ورغم إنها كانت بتشاور على قلبها ومش عارفة تاخد نفسها، قعدت تضحك وتبتسم، وفي نفس الوقت إيديها على قلبها، كإن في حاجة بتوجعها. لدرجة إني قلت: ما شاء الله، دي بقت كويسة.. يا مسهل الحال يارب».
وأوضحت مروي أنها خرجت من الغرفة وإيناس تبتسم، بينما والدتها تحكي لها عن الأمور التي ستقوم بها بعد الشفاء. وقالت: «والفجر أذّن، ومكنتش عارفة أمشي من راحة البال اللي كنت حساها، ومتسحرتش أنا ومحمد، ولا في بالي حتى المية»
واختتمت قائلة: «النهاردة جه قدامي فيديو بيتكلم عن سكرات الموت وحسن الخاتمة، وقد إيه الميت بيكون فرحان إنه رايح دار الحق، ومبسوط وبيضحك رغم ألم الروح وهي بتخرج. فهمت وقتها إن ربنا رزقها بحسن الخاتمة، وإن اللي كان مريحني ساعتها إن الملايكة كانت محاوطة إيناس.. الله يرحمك يا حبيبتي، في الجنة ونعيمها».
ورحلت عن عالمنا الأيام الماضية، الفنانة إيناس النجار، بعد صراع مع المرض ، عن عمر ناهز 42 عامًا، بعد تعرضها لأزمة صحية مفاجئة.
اقرأ ايضا:
