دائمًا من كانوا قبلنا كانوا يقولوا “مفيش دخان من غير نار”، وهذا ما جعل الشائعات حول ارتباط الفنانين كثيرة وخاصة عندما يكونوا قريبين من بعض لفترة طويلة، وكان من الحالات هذه أمثلة كثيرة ولا تنتهي في الوسط الفني.
ولكن أشهر الأمثلة اللي الناس مش بتبطل إشاعات عنهم هما أحمد السعدني ومي عز الدين، صداقة عمرها 15 سنة، وكل سنة بتتكرر نفس الاشاعة وأنهم هيتجوزا أو اتجوزا ومخبيين عن الناس.
وبالرغم من أن أحمد السعدني نفى أكتر من مرة، وقال حتى لو مع بعض مفيش اتنين في الزمن ده بيفضوا متجوزين أو حتى متصاحبين هيقعدوا 15 سنة، بس إحنا لسا في مجتمع مش عارف يتعامل مع الصداقة بين الراجل والست بشكل كويس.
وبالرغم من كل ده إلا أن أي صورة جديدة ليهم يخرج الموضوع من جديد للنور، بترجع الكلام عنه تاني، وخاصة مع كلام مي عز الدين عنه بعد ما قالت أنه أقرب واحد ليها في حياتها وأنها متقدرش تستغنى عنه، وكلام الاتنين على بعض دايما مخليهم محل إشاعات.
ومش بس كدا عدم جواز السعدني بعد مراته وأم والده، وانفصاله عنها، ومي مرتبطتش تاني بعد ما فسخت خطوبتها من لاعب كرة القدم محمد زيدان، خلى الاشاعات تفضل مستمرة طول الوقت.
ويا ترى بعد السنين دي كلها هل الأيام هتثبت حاجة مستخبية ولا هيطلع هما صح وأصحاب وبس زي ما بيقولوا .
