ضجة كبيرة شهدتها مواقع التواصل الاجتماعي، الساعات الماضية، بعد انتشار صورة من جنازة الفنان الراحل مصطفى درويش أثارت غضب الجمهور.
وظهر بالصورة فتاتان تضحكان أثناء تصوير مشاهد الجنازة وانهيار شقيق الفنان الراحل على وفاته.
مفاجأة.. لن تصدق من هن الفتيات الضاحكات في جنازة مصطفى درويش؟
ونشر أحد الصحفيين عبر حسابه الشخصي بموقع التواصل الاجتماعي “فيسبوك”، توضيح لهذه الصورة وكشف أن هذه الفتاة صحفية وتعمل بإحدى المؤسسات.
وأكد الصحفي، إن الفتاة تعرضت لـ إنهيار عصبي بعد انتشار الصورة وأن ما فعلته كان غير مقصود حيث كان ضحك على جملة قالتها الفتاة التي بحانبها.
وعلق قائلًا: ” تواصلت مع إحدى البنات اللي ظهروا في الصوره وكانت بتضحك وهي زميلة شغالة في مؤسسة صحفية، بداية كلامي معاها كانت منهارة تمامًا ومش قادرة تتكلم بسبب كل الكلام اللي اتقال عليها من الفنانين اللي روجوا للصورة دون معرفة تفاصيل الصورة إيه وإيه سبب ضحكهم، سألتها عن تفاصيل الصوره وايه الموقف اللي حصل وقت الصورة، ودي شهاده لله”.
وتابع: “قالتلي أن هي كانت ماسكه موبيلين وبتصور والبلوزة اترفعت وايدها ظهرت أثناء وهي بتصور شاورت لصاحبتها اللي كانت واقفه جنبها ترفع البلوزه نظرًا لأن هي كانت ماسكة موبيلين عشان مفيش جزء من جسمها يبان، صاحبتها ابتسمت ليها وقالتها أن دا وقته يعني ؟ فـ الزميلة ردت بابتسامه وقالتها يعني أيدي تبان أو جزء من جسمي ؟ وضحكوا هما الاتنين في موقف عادي ممكن أي اتنين يمروا بيه”.
واختتم: “طيب هنرجع ونسأل هل البنات كانت بتضحك علي الشخص اللي من’هار قدامهم ومش حاسسين بالموقف ؟!
الاجابه لا ولكن لسوء الحظ أن هما ظهروا وتصورا.. دا كل اللي حصل ودا كلام الزميله انا مش بلوم حد انتقدهم لأن حتي أنا انتقدهم أول ما شوفت الصورة ولكن أكيد بيكون في تفاصيل وراء الصورة وأكيد لازم تتوضح،”
وأكمل: “كفايه كلام عن البنات لأن حرام اللي بيتقال عليهم دا، عايز أقولكم كمان إني كلمت زميل ليها وقالي أن هي انفصلت من الشغل بعد الصورة ودي !!، دي الحقيقة قدامكم وارجعوا للفيديوهات الأول وبعد كدا احكموا عليهم، ربنا يرحمك يا مصطفى”.
