وجهت الإعلامية مفيدة شيحة، رسالة قاسية إلى ريم طارق زوجة حسن شاكوش بعد سجودها في حفل زفافها أمام أهلها والمعازيم.
وقالت مفيدة شيحة في برنامجها “الستات” عبر شاشة CBC: “كل عروس يوم زفافها بتكون ملكة تخيلوا بقى الملكة دي سجدت علشان اتجوزت”.
مفيدة شيحة تقصف جبهة زوجة حسن شاكوش بكلام قاسي
وتابعت: “صورة زي دي بتقلل من قيمتك قدام أهلك وأهل جوزك وجوزك، ولو حد قال لك غير كده بيجاملك وأي حد بيشوف الصورة بيضحك وبيقول إيه ده هي ما صدقت اتجوزت؟ مش أوي كده ولو بتكيدي حد يبقى أنت قللتي من نفسك”.
وفي وقت سابق، علقت الإعلامية رضوى الشربيني، على مشهد سجود زوجة حسن شاكوش خلال حفل زفافهما، وقالت رضوى خلال برنامجها إن ما فعلته العروس هو تعبير عن فرحتها وشعورها.
ووصفت رضوى المشهد، قائلة: صحيح هي حركة أوفر جدا وإحنا آخر حاجة كنا بنشوفها إن الرجالة هي اللي بتسجد بعد ما تجيب أجوان في ماتشات الكورة.. إحنا أخيرا شوفنا إن العرايس لما تبقى فرحانة أوي وسعيدة تبوس إيد جوزها أو راسه أو كتفه أو تحضنه، لكن واحدة ست تسجد في فرح شكر لربنا قدام الناس مشوفناهاش الكلام ده قبل كده.
