لها إسم كبير في عالم التوك شو، ومن خلال القضايا المثيرة التي تناقشها، تلفت انتباه كل الناس.عاشت أزمات كتيرة بسبب آرائها، وتوقفت عن الظهور اكثر من مرة وفي كل مرة تقول إنها ستعتزل الشاشة لكن بعدها ترجع بشكل مختلف.. هي الإعلامية “ريهام سعيد”.
كان لازم انفصل عن جوزي
ريهام سعيد ليها آراء غريبة خاصة في الخلافات الزوجية بين الست وجوزها وفي القضية دي قالت ان كلمة “الخلع” كلمة بتضايقها أوي متحبش تسمعها.
“ريهام” عاشت معاناة في حياتها الزوجية، علشان كدة بتعرف تحكم على تصرفات الست مع جوزها، وكمان بتقرر امتى تلوم الراجل اللي يهين مراته.. وده بناء على تجربة شخصية عاشتها مع جوزها السابق زي ما قالت.
ريهام ليها اعترافات في حياتها محدش يعرف عنها حاجة كتيرة منها إن كل المشاكل اللي بين الرجالة وزوجاتهم بقت منحصرة في الخلع والعلاقة بقت مصلحة وفلوس بس، ونسيوا النفقة والأولاد اللي بينهم.
اهم اعترافات ريهام سعيد عن جوزها
“ريهام سعيد” ليها اعتراف مهم أوي محدش كتير يعرفه عنها.. بتقول لما كانت متجوزة اتعرضت للإعتداء مرات كتيرة حوالي ست مرات من جوزها.
قالت “ريهام سعيد” إنها عاشت أيام صعبة مع جوزها السابق قبل متخلعه.. كان بيتخانق معاها عمال على بطال، واعترفت بكل اللي عمله معاها لما كانت عايشة معاه في أهم اعتراف في حياتها متعرفش هي اعترفت بيه ازاي؟.
ومن ضمن اعترافاتها إن في مرة حصل موقف مكانش يستدعى خناقة بينهم.. لكن هي اتفاجئت بجوزها بيعتدى عليها كتير أوي ومرة واحدة.. ولما سالته ليه عملت كدة؟ قالها “إنه كان معموله عمل ومش داري بنفسه؟!
كمان قالت إنه أهانها مرة كمان واعتدى عليها لما لقاها بتعيط كتير، وبعدها قا انه كان عاوز يفوقها!!.. وقالت ريهام انها سكتت على تصرفات جوزها وإهانته علشان مكانش عندها كرامة، وعلشان أولادها.
تسجيل صوتى وقعت فيه ورطها
الإعلامية “ريهام سعيد” كان ليها أزمة كبيرة في حياتها لما قامت واحدة من اللي كانوا شغالين معاها بتسجيل مكالمة ليها وهي بتهاجم شخصيات كبيرة ومسؤولين.
قالت ان اعلامية زميلتها اتفقت عليها علشان تسجل لها وتورطها مع شخصيات مهمة في البلد رغم ان بينهم عشرة وعيش ملح.
“ريهام” وقتها قالت إنها علشان طيبة فبتقول اللي جواها وهي اتكلمت بطبيعتها واللي سجلت لها كانت مرتبة تشيل صوتها فيتاخد كلام ريهام على إنها بتهاجم وتغلط في فلان، علشان كدة لما عرفت قالت “طظ في التسجيل”.
