رد الفنان وائل جسار، على تصريحات الفنانة أسماء جلال الأخيرة وطلبها لـ الزواج منه وإعجابها الشديد به، وذلك خلال لقائها ببرنامج معكم الذي تقدمه الإعلامية منى الشاذلي.
وقال وائل جسار: “بشكرها على حبها ليا وحبها لأعمالي.. وبتمنالها الخير ويارب تبهرنا بأعمالها بعد فيلم أولاد رزق 3.. وتحسها نجمة كبيرة إن شاء الله وربنا يوفقها في حياتها وتستاهل إبن الحلال.. وتفاجأت بالكلام ده وأول مره أسمعه.. وحبيت ثقتها بنفسها.”
“ممكن تبقى ضرة”.. وائل جسار يفجر مفاجأة عن أسماء جلال
وكشف الفنان وائل جسار، عن أن زوجته قابلت تلك التصريحات بالمزاح ولم تره غيرة، لافتا إلى انها عقبت على ذلك بقولها: “فتاة جميلة ولا يوجد مشاكل.. ومافيش مشاكل تجيبها ضرة.”
وقالت أسماء جلال خلال لقائها في برنامج “معكم منى الشاذلي” على قناة ON: “بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها”.
تابعت: “بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه، وكنت ألبس فستان حتى لو الناس حواليا لابسة عادي عشان يشوفني، مع إنه متجوز .. فمش فاهمة أنا كنت بعمل ايه”.
وواصلت: “طبعا ولا أخد باله مني خالص لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده”.
اقرأ ايضا:
