كشفت الفنانة منة فضالي، سر انفصالها عن زوجها بعد فترة قصيرة جدًا من الزواج، وذلك خلال تصريحات تلفزيونية.
وقالت منة فضالي: مش هنقول عنف زوجي ولكن مرة زمان مد إيده عليا ودي كانت صدمة انفصالي، وأنا بشوف الراجل اللي بيمد إيده على الست متخلف، ولو الموقف ده اتكرر دلوقتي كان هياخد القلم ده 3 أو 4، أكتر حاجة بكرها أن حد يمد إيده على وشي.
وتابعت: الراجل يعيبه جيبه ولسانه الطويل، ممكن أتجوز حد أقل من مستوايا المادي ولكن لحد معين.. أكيد مش هاخده أصرف عليه، مش هصرف على الكلاب والبيت وجوزي دي تبقى كارثة، ولازم يعرف يتعامل مع الأطفال.
وأضافت: نصيحتي للستات متتجوزيش راجل أكبر منك، ولا البخيل وعن تجربة، إنتي مش مجبرة تشتغلي أو تأكلي أو تضحكي علشان ترضي حد.
وأوضحت: أهم سلاح للست أنها متحسش نفسها قليلة والثقة والاعتزاز بالذات، وفي ستات ناجحة أكتر من الرجالة.
اقرأ أيضًا: لن تصدق ماذا كتبت الأميرة رجوة على تاجها.. مفاجأة للجميع
