منى العمدة، مذيعة إن لم تكن تعرفها أو كنت تعرفهافهي مذيعة قررت أن لا تكون مذيعة والسلام، فهي قررت أن تطبق نصائح ياسمين عز وتستخدم الصوت الشتوي مع ضيوفها، منى العمدة ورائها قصة كبيرة جعلتها حديث السوشيال الميديا سنكشفها من خلال القرير التالي:
فجأة كده انتشرت فيديوهات لمذيعة جديدة اسمها منى العمدة واللي ظهرت وهي بتقدم برامجها بطريقة جديدة بتستخدم فيها الصوت الشتوي عشان أول كائن شتوي بيظهر في الإعلام.
من هي منى العمدة ؟
على الرغم من ظهورها في الإعلام إلا أنها أصلا مش خريجة إعلام.. دي دكتورة صيدلانية وخريجة كلية الصيدلة واشتغلت في الجامعة في قسم الكيمياء.. لكنها قررت أنها تسيب التدريس وتتجه للإعلام عشان تبقى مذيعة.
منى العمدة اللي ظهرت في قنوات مختلفة أغلبها قنوات الصف التاني والتالت وكانت بتقدم برامج محدش بيشوفها ولا يعرف عنها حاجة.. لكنها في الوقت ده.. لغاية لما ظهرت في سنة 2021 بفيديوهات من أوضة النوم!..
أه ظهرت في فيديوهات من أوضة النوم بس كانت بتعمل دعاية بطريقة جديدة ومختلفة لبعض المنتجات الخاصة بالعناية بالبشرة والشعر.
الفيديوهات دي اللي بدأت تتحول فيها منى العمدة من مذيعة عادية إلى أنها تبقى مذيعة الكائن الشتوي وتستخدم صوتها الناعم عشان تجذب الجمهور والكل يتفرج عليها.
لكن منى العمدة مش بس بتستخدم الصوت الشتوي زي ما قالت ياسمين عز لكنها برضو بتدافع عن الراجل وتحب تدلعه وده اللي بيظهر من كلامها على صفحته على فيسبوك واللي أغلب بوستاتها.. فتلاقيها منزلة بوست رومانسي وقالت فيه: كلما أبتعد عنك رأيتك في صباحي ومسائي وفي فنجان قهوتي.
مش بس كده لكنها كمان بتنشر فيديوهات كوميدية عن البنات وإزاي لما بيتقدم لها حبيبها بتكون بتحبه وتدافع عنه زي الفيديو ده اللي نشرته على صفحته.
مع ظهور منى العمدة في برامج اقتصادية الفترة اللي فاتت ما نسيتش الصوت الشتوي برضو عشان حتى وهي بتستضيف رجال الأعمال وأصحاب الشركات بتستخدم الصوت الشتوي زي ما ظهرت في الفيديو ده:
طيب هي بتعمل كده.. يبقى أكيد مجربتش الجواز والرجالة، الحقيقة إنها رغم أن كان لها تجربة وحشة في الجواز لكن ده مخلاش تكره الرجالة زي ستات كتير.. لأنها زمان وهي متجوزه نشرت فيديو بتتهم فيه جوزها أنه أخد فلوسها بعدالجواز وكان ليها قصة كبيرة.
لكن كل ده مخلهاش تتغير ولا تنسي الكائن الشتوي اللي جواها عشان يستمر معها حتى وهي بتقدم البرامج.الغريبة أنها في الحقيقة مش كائن شتوي ولا صوتها ناعم قوي زي ما بتظهر في التليفزيون.. وده اللي اتفاجئ بيه الناس في فيديوهات تانية ليها وإزاي بتتحول للصوت الناعم بالشكل ده.
أكيد منى العمدة من حقها أنها تستخدم الطريقة اللي عايزها عشان تجذب الجمهور لبرنامجها.. لكن برضو من حق الناس تعرف الحقيقة عن الناس اللي بتشوفهم.. ودي كانت قصة المذيعة الكائن الشتوي منى العمدة:
