الأميرة جليلة بنت الأمير علي بن الحسين،يقولوا عليها هي العروسة المنتظرة في العائلة الملكية الأردنية الفترة القادمة وزفتها ستكون على ابن عمها الأمير هاشم بن عبدالله ملك الأردن.
الاتنين بيدرسوا مع بعض مونسجمين سوا وهواياتهم نفس الهوايات.. ورغم إن سنها لسه صغير بس هي قدرت تلهف الأنظار وتكون حديث السوشيال ميديا والناس كلها تتكلم عنها بسبب جمالها الكبير.. يا ترى هتكون هي عروسة الأمير هاشم فعلاً ولا لأ؟.
اللي يشوف الأميرة جليلة هيلاقيها شبه السندريلا.. شعرها أشقر وعيونها ملونة بنت جميلة وجذابة جداً وقدرت تخلي اللي يشوفها يقول إن جمالها أوروبي ده غير خلطة الجمال الهاشمي بتاع بنات العيلة الملكية الهاشمية.
وفي الفيديو اللي معايا ده هقولكم ليه الأميرة جليلة كانت حديث الناس كلها واتصدرت التريند في حفل الزفاف الأسطوري للأميرة رجوة والأمير الحسين.. ومين هي الأميرة جليلة؟ وهل الكلام على إنها عروس العيلة الملكية القادمة في الأردن؟ وإزاي الجمهور شايفها لايقة على الأمير هاشم بن الملك عبدالله التاني والملكة رانيا وياترى هيتجوزوا فعلاً ولا إيه؟.. يلا بينا عشان هقولكم على مواقف تجاوب على الأسئلة دي.
الأميرة جليلة لسه بنوتة صغيرة قدرت تكون مسار حديث الناس في السوشال ميديا الفترة اللي فاتت رغم إنها لسه صغيرة ولا هي مخطوبة ولا متجوزة لكن هي رزينة وهادية ومتواضعة وده يدل على إنها هتكون شخصية مسؤولة في المستقبل.. وعشان كده في كلام على إنها لايقة على الأمير هاشم وهيكونوا هما عروسين المستقبل.
مين هي الأميرة جليلة؟
الأميرة جليلة تبقى بنت عم ولي العهد الأمير الأردني الحسين بن عبدالله ولهفت الأضواء ليها وهي أي حفل زفافه على عروسته الأميرة رجوة الحسين.. وهي تبقى بنت الأمير الأردني علي بن الحسين واتولدت يوم 16 سبتمبر سنة 2005 يعني يدوب عندها 17 سنة.. واسمها على اسم جدتها الأميرة جليلة بنت الملك علي بن الحسين وورثت جمالها كمان من جدتها الملكة علياء ومامتها تبقى السيدة ريم علي.. وتبقى الحفيدة رقم 9 في العيلة الملكية الأردنية الهاشمية واللي فيها 42 حفيد.. وليها أخ وحيد هو الأمير عبدالله.
وفي حفل الزفاف جمعتها صورة مع عمّها الملك عبدالله وكان واضح جداً الشبه بينهم.. ومن هوايات الأميرة جليلة ركوب الخيل.. واللي واضح من الأميرة جليلة إن عندها أسلوب ملوكي في لبسها يعني في حفل زفاف الأمير الحسين لبست فستان أزرق وتألقت فيه وده كان من دار الأزياء العالمية Etro واللي بيتميز بالأناقة والرقي واعتمدت تسريحة شعر مناسبة للفستان وكملت إطلالتها بمجوهرات راقية.. ووصل سعر فستان الأميرة جليلة 2,023 يورو حسب وسائل إعلام محلية أردنية.
ربط جماهيري
الجمهور بدأ يربط بين الأمير هاشم بن عبدالله التاني وبين بنت عمه الأميرة جليلة وكتير شافوا إنهم لايقين على بعض وإنها ممكن تكون العروسة المستقبلية في العيلة الملكية الأردنية وزي ما الجمهور ما قال في مواقف حصلت خلتهم يعملوا الربط ده.. أول حاجة إنها
اتخرجت من أيام من الثانوية العامة في مدرسة كينغز أكاديمي King’s Academy مع ابن عمها الأمير هاشم.. وباباها الأمير علي بن الحسين نشر صورة ليها وهي في حفل التخرج مع ابن عمها وبردوا عملت كده الملكة رانيا مع ابنها الأمير هاشم.. وكان واضح في الصور الانسجام ما بينهم.
في تلميحات بدأت تظهر بارتباط الأميرة جليلة والأمير هاشم مش عشان بس الدراسة لكن السن كمان مناسب والأمير هاشم أكبر من الأميرة جليلة بـ8 شهور.. يغني في تقارب في الفكر ما بينهم.. موقف تاني في التشابه بينهم في الهوايات زي إن الأمير هاشم بيحب الفروسية وركوب الخيل بردوا وكمان السباحة وعشان كده في ميول في الهوايات.. كمان ظهرت الأميرة جليلة في مركز الملك عبدالله التاني لتدريب العمليات الخاصة لمكافحة أي عمليات غير مشروعة وده نفس المركز اللي بيتدرب فيه الأمير هاشم وبيكون فيه مقابلات بينهم باستمرار.
كمان الأميرة جليلة نشرت صور وهي في المركز مع شقيقها الأمير علي يعني ده أكبر دليل على تواجدها في المركز.. ورابع حاجة بقى هي اهتمام الملك عبدالله الثاني بيها وحبه الشديد ليها وكمان الملكة رانيا العبدالله بتعتبرها زي بناتها الأميرة إيمان والأميرة سلمى وبتكون حريصة على مشاركتهم حياتهم الخاصة زي أعياد الميلاد.
طبعاً من الصعب إن حد يتكهن بموضوع الارتباط بينهم رغم الانسجام الكبير عشان لسه في مرحلة تعليم جامعية ويا عالم إيه اللي ممكن يحصل.. تفتكروا بقى تكون الأميرة جليلة هي العروسة القادمة في العيلة الملكية الهاشمية وتلهف قلب ابن عمها الأمير هاشم؟ اكتبولنا آرائكم في التعليقات.
