حسين حبيب.. اسم تعرف للجمهور من أول ما أزمة حساب حبيب مع زوجته شيرين عبدالوهاب بدأت ولا أحد في مصر لا يعرف ما حدث عندما كان بيدافع عن شيرين .
لكن دلوقتي الأمور بينه وبين مرات ابنه مستقرة إيه الجديد اللي حصل تاني منه.. ده اللي هنعرفه في الفيديو ده أصله خلاص بقى مفلس ومش معاه فلوس وكمان طالع المرة دي يتكلم على شيرين عبدالوهاب ومش هيسيب حد.. لكن الجمهور كان ليه رأي تاني ورد عليه.
ليه اتدخل؟
حسين حبيب أبو المطرب حسام حبيب جوز شيرين عبدالوهاب اتدخل في الأزمة بتاعتهم من فترة بعد ما استدرجته نضال الأحمدية في تسجيلات صوتية وقعد يشتم في ابنه ويقول إنه مش راجل وبياخد فلوس شيرين عبدالوهاب وهي اللي بتصرف عليه.
ده وصلت إنه قال إن ابنه تربية واحدة ست ومش راجل فطبيعي يعمل كده في بنات الناس وكان واخد صف شيرين عبدالوهاب بالذات في الفترة اللي كانت كارهة فيها العيشة مع حسام وطلعت تأكد كلام أبوه وتقول إنها ساكتة بس عشان بناتها وجمهورها اللي بتحترمه وبيحترمها بس بعد كده مش هتسكت تاني.. لكن المية رجعت لمجاريها خلاص والميزان اتعدل.
صوت مصر
طبعًا كلنا ميخفاش علينا قصة لقب صوت مصر اللي عامل أزمة بين شيرين عبدالوهاب والمطربة أنغام وجمهور دي بيقول إنها صوت مصر والعكس من جمهور الفنانة التانية لكن كل اللي بيحصل ده محدش ليه يدْ فيه غير الجمهور وهو اللي يقرر يعمل إيه وميعملش إيه.
المهم بعيدًا عن موضوع الجمهور في اتهام متوجه لحسين حبيب إنه كان بياخد فلوس من شيرين عبدالوهاب مرات ابنه عشان يطبلها ويقف معاها ويقول عليها صوت مصر.. واللي خلاه طلع يتكلم دلوقتي إنه بيدافع عن نفسه وبيقول أنا مخدتش منها حاجة أنا كنت بجاملها هي وابني يعني بيجامل شيرين على حساب أنغام ودي حاجة هيستغلها جمهور أنغام طبعًا.
أبو حسام حبيب بردوا قال في منشوره على حسابه في فيسبوك إنه ما فلسش إلا من بعد ما جوز شيرين اللي هو ابنه أخد فلوسه.. وقال إن ده الفرق لما كان متجوز بنت الاصول قالت له عيب تاخد فلوس ابوك اشتغل وكفي نفسك.
مطالب الجمهور
الجمهور تفاعل معاه بخصوص البوست ده وقاله اسكت خالص بقى كفاية هو فضايح حسام وشيرين عبدالوهاب هتفضل كده على الملأ وناس تانية قالتله انت كل يوم بكلمة ليه يا راجل مرة تمجد في شيرين وتقول عليها كلام حلو ومرة تخبّط فيها. وفي اتهامات ليه إن هما عشان تريند فعاوز يركب معاهم الموجة شوية.
المهم وسط كل ده ناس قالتله إن العيب على ابنك وعلى تربيته وعابوا عليه إنه بيقول جوز شيرين مش بيقول ابني.. وده بيوضح إن المشكلة بينه وبين ابنه لسه موجودة وكل الحكاية إن حسام وشيرين قفلوا على مشاكلهم شوية عشان يعرفوا يعيشوا بس في ناس مش سيباهم في حالهم.
تفتكروا موضوع حسام وشيرين هتقوم فيه مشاكل تانية ولا كلام حسين حبيب هياخد وقته وهينتهي وهل هيسمع كلام الجمهور ويبطل يتكلم تاني في المواضيع الخاصة دي ولا هيفضل زي ما هو؟ اكتبولنا توقعاتكم في الكومنتات.
