غريبة جدا تصرفات الفنان ” محمد رمضان” لأنها تتسبب في انتقادات كبيرة ضده، مرة منهم عندما ألقى الدولارات في حمام السباحة، ومرة تاخرى داخل طائرته الخاصة لكن هذه المرة هي الأغرب، فما هي قصة الصابونة الذهب التي يستخدمها محمد رمضان، ولماذا لا يغسل وجهه بغيرها، وما هو عيار الذهب التي صنعت منه؟ هذا ما نتعرف عليه من خلال التالي:
مش ممكن أبداً اللي بنسمعه ده، من كم ساعة الفنان “محمد رمضان” اتسبب في حالة جدل كبيرة بعدما أعلن عن آخر مفاجآته، من خلال فيديو نشره على صفحته الشخصية بموقع “انستجرام” اتكلم فيه عن “الصابونة الدهب” اللي بيستخدمها ضمن أغراضه الشخصية.
محمد رمضان قال في الفيديو إنه جاته هدية غريبة من احد اصدقائه من غير ميذكر اسمه وهي عبارة أغلى “صابونة” في العالم، مؤكدًا أنها مصنوعة من الدهب عيار 24.
رمضان وهو بيتكلم بشكل ساخر قال “الصابونة دي جتلي هدية عشان أغسل بيها وشي، عشان بعد كدة لما أدي لحد الصابونة ميزعلش والمفروض يفرح، وقال رمضان إنه مستخسر فيها الليفة”.
من بعد الفيديو ده الدنيا مقلوبة على محمد رمضان لدرجة إن حد من المتابعين انتقده بشكل كبير وطلب منه يراعي ظروف الناس لكن محمد مردش.
صابونة محمد رمضان الدهب مش هي أول مرة يستفز بها جمهوره ويتسبب في جدل لكن قبل كدة ظهر وهو بيغسل سنانه بمعجون مصنوع من الدهب برضه عيار 24 قيراط يعني الصابونة دهب فالمعجون أكيد هيكون دهب ومش عارفين هيطلع بأيه تاني.
الصابونة دي محدش يعرفها كتير فهي أغلى صابونة في العالم فهي صابون من الدهب الخالص والألماس وبتبلغ تكلفة القطعة الواحدة من الصابون القطري المليانة بمسحوق الدهب والألماس ، 2800 دولار، أي ما يعادل 55 ألف جنيه مصري، وده اللي قاله موقع شركة ” خان الصابون” المصنع يدويًا وصاحب فكرته هو بدر حسن وأولاده.
بدر حسن واولاده معروفين في سوق مستحضرات التجميل بصنع مجموعة متنوعة من الصابون الفاخر، ومنتجات العناية بالبشرة، اللي بتحتوي على زيوت أساسية مفيدة وعطور طبيعية.
التقارير قالت إن المنتجات دي متوفرة بس في معظم المحلات الخاصة في الإمارات العربية المتحدة، علشان كدة أغلى منتج بتبيعه الشركة هتلاقيه محجوز بس لكبار الشخصيات والضيوف المميزين.
وبيحتوي “قالب الصابون” على 17 جرامً من مسحوق الظهب الخالص 24 قيراطً، و3 جرامات من مسحوق الألماس المخلوط بالزيوت النقية، والعسل العضوي، والعود المعتق، والتمر، وقالوا إن تصنيعه بيستغرق 6 شهور ده غير إنه بيغير نظام الاستحمام من روتين يومي لمتعة، له تأثير نفسي وروحي على البشر.
أخيراً.. عاوزين تعليقاتكم على صابونة محمد رمضان يا ترى هو بيعمل كدة ليه واشمعنى قال انه بيستخدم أغلى صابونة في العالم مصنوعة من الدهب؟
