بعد ما اعلنت مريهان حسين اعتزالها الفن والسوشيال ميديا وأخذت جنب من ٣ اسابيع وفتحت قلبها وقالت كل الذي كان يتسبب في زعلها من النجوم وكل من حولها، ولكنها عادت من جديد لتتراجع عن القرار .
وفي اول ظهور لمريهان حسين بعد مارجعت في كلامها كان امبارح مع المذيعة ياسمين عز في برنامج كلام الناس وطلعت اتكلمت عن تفاصيل القرار اللي هي خدته من فترة وايه اللي وصلها لقرار انها تسيب الفن وكمان تبعد عن السوشيال ميديا رغم انها شخصيه متفاعلة جدا علي الانستجرام وليها جمهور كبير وكلهم بيحبو صورها
مريهان حسين قالت انها كان عندها اكتئاب وزعلانة من انها مش عارفه تحقق اللي نفسها فيه في مجال التمثيل وان كل الادوار اللي اتعرضت عليها مش شبها ومش هو ده اللي هي عيزاه ولما لقت نفسها مش عارفه تقدم الادوار اللي هي عيزاها ومبيجلهاش فرص كبيره زعلت وعملت اللي عملته
وقالت مريهان انها مكانتش تقصد تعتزل الفن لانها بتحت التمثيل وعندها موهبة كبيره في التقليد لكنها كانت في حاله نفسية سيئة وكانت عايزه تعتزل الناس والسوشيال ميديا مش تعتزل الفن زي ما الناس فهمت.
لكنها يمكن معرفتش تعبر عن اللي جواها صح والناس فهمتها غلط خاصة لما قالت ان الوسط الفني عبارة عن علاقات وشللية وهي مش لاقية نفسها وسطهم
المفاجأة بقي ان مريهان حسين اتكلمت عن حياتها الشخصية وان هي ليه لحد دلوقتي متجوزتش رغم انها اعلنت من كام شهر انها مرتبطة بشخص من خارج الوسط الفني وقالت انها عايشة قصة حب لكن لحد دلوقتي ولا اتخطبت ولا اتجوزت ولا عرفنا مين هو الشخص ده
واعترفت مريهان حسين بان مامتها بتحاول بكل الطرق انها تخليها تتجوز زي اي ام نفسها تطمن علي بنتها مش بس كده ديه كمان بتحاول تقنعها انها تتجوز واحد زي النجم احمد عز وقابت مريهان ماما بتحب احمد عز وبتحب كل افلامه وبصراحة هو شكلا راجل جميل ومفيش بنت مبتحبش احمد عز وماما بقي نفسها اتجوز واحد زيه او احمد عز شخصيا
وبعد ما مريهان حسين قالت الكلمتين دول مع ياسمين عز طلعت تريند عالسوشيال ميديا بسبب موضوع جوازها من احمد عز وده خلي الجمهور يفتكر قصة مريهان حسين القديمة مع تامر حسني طب ايه اللي حصل.. تعالى اقولك
مريهان حسين صديقة تامر حسني جدا واول دور عملته في حياتها في السينما كان مع تامر في فيلم عمر وسلمي الجزء التاني طبعا كلكم فاكرينها ومن وقتها وهما صحاب بس مشتغلوش مع بعض تاني
ومريهان قالت اكتر من مرة زمان انها مستعدة تشتغل في اي حاجه تامر حسني يعملها لانه شاطر وكل اعماله ناجحة وقالت عنه اخف دم فالعالم
ومن كام سنة طلعت اشاعة عن علاقة بين تامر حسني ومريهان حسين وانها بتحبه ونفسها ترتبط بيه رسمي لكن تامر اتجوز بسمة بوسيل وقتها واللي كانت تجمعها علاقة زمالة مع مريهان لكن واضح ان هما الاتنين كانو بيتخانقو علي تامر حسني
والسنة اللي فاتت لما انتشر خبر انفصال تامر حسني وبسمة بوسيل ظهرت مريهان حسين في لقاء وسالوها عن رايها في اللي حصل مع تامر وضحكت وقالت معرفش مليش دعوة بحياته الشخصية بس اتمنالهم يعيشوا في حب وسعادة
اما بقي لما حصل انفصال تامر حسني وبسمة رسمي من شهر اتجدد الكلام تاني عن علاقة مريهان حسين وتامر حسني وانها ممكن تكون فرصتها عشان تقدر تحقق حلمها اللي كانت نفسها تعمله زمان ومعرفتش والناس قالت ان دي فرصة مريهان حسين عشان ترتبط بتامر حسني بعد ما انفصل عن مراته لكن مريهان معلقتش خالص علي القصة ديه وكانت مركزه في مشكلتها الفنية وحلمها اللي مش عارفة تحققه
مريهان حسين قالت في حلقتها مع ياسمين عز ان باباها مش مستعجل علي جوازها وبيشجعها انها تشتغل وتنجح علي عكس مامتها خالص وقالت ان هو عامل زي النجم عادل امام لما كان عامل دور خطاب النجاري في فيلم عريس من جهة امنية ومكانش عايز يجوز بنته الوحيدة.
