نجحت بدون هشام جمال ورشحتها نيللي للفوازير…محطات نجاح دنيا سمير غانم

عرفت ان تخرج من منطقة أبناء العاملين، ولم تعتمد على كونها ابنة اثنين من أسطير الفن، فوازير تجد، استعراض تجد وأيضا غناء وتمثيل، انها الفنانة دنيا سمير غانم الت غابت أخر 3 سنوات عن درامام رمضان وعادت بـ جت سليمة.

دنيا سمير غانم معجونة بالتمثيل .. تحطها في أي دور هتعرف تعمله حلو أوي .. جينات ورثاها من والدها سمير غانم و والدتها دلال عبد العزيز …ومن أول ما ظهرت وقبولها و حبها في قلوب المصريين مالوش حدود .. و مهما غابت بس أما بترجع بيستقبلوها كأنهم شافوا حد قريبهم ..

متقدرش نقول انها اما بدأت تمثيل فضلت تقدم أدوار معينة … لان شوية نشوفها البنت الكيوت اللي بتعيش قصة حب و الكلام اللي متعودين عليه .. و شوية تقدم دور البنت المسترجلة اللي محدش يقدر يجي عليها .. و لو اتكلمنا عن ادوارها مش هنعرف نسكت

عملت دويتو حلو أوي مع أحمد مكي .. قدموا أفلام ناجحة جدا مع بعض .. و فضلت في الكبير اخد الجزء الرابع .. اللي هي أنجح أجزاء للكبير بالمناسبة.. و قررت فجأة انها مش هتكمل فيه .. لانها شافت انها مش بتقدم حاجة جديدة .. و الشخصية مش هتطور عن كده ..

و بدأت هي اللي تقدم بطولات لواحدها .. و بقى اسمها موجود في أي موسم رمضاني .. وده حصل أما بدأت الشغل مع هشام جمال .. اللي قدموا سوا كذا عمل ناجح جدًا.. زي لهفة و في اللا لا لاند ..ونيللي و شريهان .. و أخر حاجة قدموها سوا بدل الحدوتة تلاتة .. ولكن حصل خلاف بينهم كبير ..

وفضل يأجل عرض مسلسلها عالم موازي .. ولاسباب غير منطقية ..وبدأ يرد عليها و بطريقة غير مباشرة .. انه وزي ما تقولوا كده تبنى ليلى زاهر .. فقدمها في أول بطولة ليها في مسلسل في بيتنا روبوت .. و شوية و ينتج ليها أغنية .. في محاولة منه انه يعمل دنيا سمير غانم تاني .. بس مش هيعرف لانه مبتتقلدتش ..

دنيا موقفتش عند أول مطب حصل لها .. و عرفت ترجع تاني بشكل أقوى من قبل كده .. فقدمت مسرحية انستونا .. و اللي نجحت بشكل كبير .. و رجعت الثقة تاني ل دنيا ان الجمهور مستنيها ترجع تاني .. و ده اللي خلاها تاخد القرار انها تشارك في رمضان السنة ديه بمسلسل ” جت سليمة” ١٥ حلقة لكن عرفت تخلي كل العيلة تتفرج عليه ..

ومع عرض كل حلقة بنلاقي التعليقات ان دنيا الوحيدة اللي اقدر تنافس نيللي و شيريهان وتقدم فوازير .. وده كان رأي نيللي نفسها أما اتسألت قبل كده شايفة مين يقدر يقدم فوازير من بعدك .. و جاوبت من تردد دنيا سمير غانم ..

دنيا ليها قاعدة جماهيرية كبيرة مش بس في الدراما .. لا كمان في السينما .. وده اللي شوفناه في فيلم تسليم أهالي اللي اتعرض بعد ما اتعمل بكذا سنة .. لكن بردو كانت نسبة المشاهدة ليه كبيرة .. وده لان دنيا موهبة كبيرة .. واللي بيشتغل معاها هو اللي كسبان .