كشفت الفنانة والراقصة نجوى فؤاد، عن رأيها في ارتفاع أسعار أجور الراقصات الأجنبيات والمصريات، في موسم حفلات رأس السنة والذي تفصلنا عنه أيام قليلة.
وقالت نجوى فؤاد فى تصريحات صحفية : ده ذوق الجمهور، إحنا على أيامنا كانت كل حاجة مختلفة تمامًا في الذوق واللبس وطريقة الأداء ومفيش أي مقارنة بين الاتنين، حتى أجرنا كان مختلف لأن الاقتصاد والرقابة كانوا حاجة تانية، على الرغم من أن القيمة والعمل والأداء مختلف ومفيش مقارنة، زي بالظبط لو هنقارن بين أجر فريد شوقي وأجر محمد رمضان دلوقتي مع إن مفيش مقارنة بينهم.
وأضافت نجوى فؤاد: إحنا جيل الملاليم وهما جيل الملايين، راقصات زمان كانوا محترمات، زيهم مثلا فيفي عبده ست محترمة وجميلة بتسلي نفسها بالرقص ووخداها رياضة علشان عضلاتها ما تتعبش وراقصة محترمة بمعنى الكلمة، زي نعيمة عاكف وسامية جمال.
