ليست مجرد مذيعة، ياسمين عز تسببت في حالة كبيرة من الجدل بين مؤيد لتصريحاتها ومعارض ، وعلق العديد من المذيعات على تصريحاتها ووجهوا لها انتقادات لاذعة ولكن المفاجأة فيما قالتها أحدهم، تابعونا لمعرفة القصة الكاملة:
بسمة وهبة تهين محتوى ياسمين عز
المذيعة بسمة وهبة اللي دايما بتحب تثير الجدل سواء ببرنامجها في رمضان وشيخ الحارة وإحراج الفنانين.. أو مشاكلها الشخصية ومعاناتها المستمرة اللي بتشاركها مع متابعيها على انستجرام.. خايفة وحاسة بالتهديد من ياسمين عز
من زميلة للتانية يعني.. مينفعش أعلق على محتوى تاني بتقدمه مذيعة على الشاشة لإن كلنا في الآخر زي بعض.. لكن بسمة وهبة مقدرتش تمسك نفسها.. وقالت إن اللي بيحصل مع ياسمين عز ده حاجة تافهة جدا.. وخصوصا فيديوهاتها عن علاقة الرجل بالمرأة وازاي الزوجات بتتعامل مع أزواجهم.
بسمة وهبة شايفه إنه الموضوع مش مستاهل يا جماعة ومكبرينه ليه.. القصة تافهة.. والعلاقة بين الراجل والمرأة أسمى وأكبر من اللي بيحصل.. ناقص تقولها ما تسكتي شوية بقى يا ياسمين.
طبعا بسمة وهبة مش أول مذيعة تهاجم ياسمين عز.. ده زمايلها في كل مكان مش طايقين اللي بتعمله.. وكل ما بتحقق مشاهدات وانتشار أكتر.. كل ما بيحاولوا بأي طريقة يضربوا فيها.. بالعقل بقى ولا بالمنطق.. ولا بالفهلوة حتى مش فارقة
ياسمين الخطيب تدافع عن حقوق المرأة ضد ياسمين عز
لكن محدش كان يصدق إني ياسمين الخطيب كمان تحس بالتهديد من ياسمين عز.. ده حتى تبقى القافية مش مظبوطة.. بس للأسف ده حصل.. وطلعت المذيعة الأكثر إثارة للجدل تنتقد منافستها الجديدة في بوست ليها على فيسبوك
ياسمين الخطيب انتقدت ياسمين عز بسبب الكلام عن علاقة الرجل والمرأة.. وازاي هي بتشجع على معاملة الرجال زي الملوك وتشجيعهم على الأنانية بصرف النظر عن متطلبات شريكة حياته.. وقالت بالظبط:” شيء مؤسف جدا، ومثير للغثيان، أن تتحدث إعلامية على قناة مرموقة.. عن حسن معاملة الزوج، فتقصرها على «سيبيه يدوس على السجادة، وشيلي انتي كيس الزبالة، واديله ورك الفرخة! حاجة بلدي ومقرفة جدا.
مي حلمي تدافع عن ياسمين عز
طبعا ياسمين عز مقدرتش تعدي الموضوع.. وقالت لها إنها منفسنة منها.. انتوا متخيلين وصلنا لفين؟.. الموضوع عمال يكبر وطبعا أي حد هيحب ينط عالمركب وياخد حتة من التورتة هيعمل كده من غير تفكير.. وأبرزهم مفجرة التريند “مي حلمي”
الغريبة بقى إن مي حلمي واقفة في صف ياسمين عز.. وبتدافع عنها.. وقالت لياسمين الخطيب:” ما البرامج كتير والهبد كتير، اقلبي يا حببتي واتفرجي علي رضوى الشربيني مدام ياسمين مش عجباكي، ولا ياسمين عز وجعاكم؟”
الحكاية دي مطولة معانا شوية ومش هتخلص قريب.. وطوبة على طوبة خلي العركة منصوبة وأدينا قاعدين نتفرج 😀
