ترقص ولا كإنها شابة عندها 20 سنة ونفسها ترقص حتى تقابل رب كريم.. فيفي عبده ترىة الرقص كل حياتها وقلبت السوشال ميديا بفيديوهات رقص لكين تمّتع الجمهور.. وبتقول إن الرقص يحقق لها رغباتها لكن حكاياتها معه ليس لها آخر.
الناس شايفاها بتعمل خير وموائد الرحمن أكبر دليل.. وهي قالت على نفسها إنها هتخش الجنة وفي ناس شايفة عكس كده.. لكن إيه حكاية فيفي مع الرقص الجريء وليه في بينها وبين ربنا عمار؟ وليه بتعمل خير واتكلمت عن دخولها الجنة؟.. كواليس وأسرار هتتعرفوا عليها معايا عن فوفا في التقرير ده.
محدش يختلف على اسم فيفي عبده إنه دايمًا مثير للجدل وشكلها كده مش مكفياها الشهرة والفلوس اللي عملتها من ورا التمثيل اللي مبقاش بابه مفتوح ليها دلوقتي وشايفة إن الرقص هو اللي مأمن لها مستقبلها لحد ما تفارق الدنيا.. بتقول إنها نفسها ترقص لحد ما ترحل ولما المولد اتفض من الرقص في الأفراح والحفلات بقت ترقص للمهور على السوشال ميديا حتى لو في بيتها بتطلع ترقص وتعمل حركات من اللي قلبك يحبها والكل بيشوف اللي بتعمله ومعجب بيها.
الرقص شغلتها
فيفي عبده شايفة إن الرقص شغلتها وهي مقتنعة باللي بتعمله وشايبة اللي يقول فلوس الرقص والتمثيل حرام يهري مع نفسه.. أصلها من صغرها وهي بترقص وتمثل وتطلع على المسرح هتيجي لما تكبر وتسيب كل حاجة ما خلاص اللي حصل حصل.. فوفا بتقول يا ناس شوية عقب وبلاش غباء أنا عملت كده وكبرت بقيت فيفي الممثلة والجمهور والجيل اللي طالع بيحبني وعشان كده مقدر أقول حرام ولازم أتوب ده أنا بشقى وبتعب وربنا اللي عالم بيا وبحالي.
تتاجر مع ربنا
وفيفي عبده شايفة إن اللي بيتار مع ربنا مش خسران وهي اتعلمت تعمل الخير من الراقصة تحية كاريوكا وبتقول إنها شافتها بتغسل الصحون في الموالد وبتتسابق تعمل الخير وتدبح عجل وتوزعه على الفقرا.. وفيفي بتعمل الخير في الخفا والناس بتقول عليها بنت بلد وجدعة.. بس ده ميمنعش نها شايلة كفنها في دولابها ورغم كده نفسها تفضل ترقص لحد ما تتلف في القماش الأبيض.. وغير مائدة الرحمن اللي بتعمل فوفا كل رمضان وكمان رحلات الحج والعمرة في ناس اتعاملوا معاها وقالوا دي علطول بتقدم المساعدة للمحتاجين.. وكمان بتزور السيدة نفيسة والسيدة زينب وبتصلي وتقدم مساعدات وأكل للفقرا.
هتدخل الجنة
كمان فيفي عبده شايفة إنها هتدخل الجنة وقالت إن علاقتها بربنا كويسة ودي طبعًا سر بينها وبينه لكن هي واثقة من نفسها بسبب الخير اللي بتعمل يعني تقدروا تقولوا كده دي رقاصة وفاعلة خير في نفس الوقت.. أصلها ست بسيطة والشهرة والفلوس مش هتغير علاقتها بربنا.. وطبعًا محدش عارف هو هيدخل الجنة ولا النار ولا حد يقدر يحكم على حد بأي حاجة منهم.
