كشفت الفنانة هالة صدقي، الساعات الماضية، عن سر اختفائها عن مواقع السوشيال ميديا خلال الفترة الماضية، طالبة من جمهورها الدعاء لها.
وقالت هالة صدقي، في مقطع فيديو نشرته عبر حسابها الشخصي بموقع تبادل الصور والفيديوهات إنستجرام: “عدت سنة، السنة كان نصها الأولاني حلو أوي، كلها نجاحات وجوائز وحب وحاجات حلوة”.
هالة صدقي تكشف سر اختفاءها عن الجمهور.. “سبب غير متوقع“
وتابعت: “والنص الثاني من 1 يناير كلها صدمات وسرقة واتصدمت في ناس وتجارب، علشان كده كنت مختفية لأني بحب أظهر وأنا كويسة علشان أديكم طاقة إيجابية”.
واختتمت: “ادعولي السنة دي تعدي وأبقى كويسة، والحمد لله الستر والصحة والرضا أهم حاجة.”
وفي وقت سابق، قالت هالة صدقي: “بالنسبة لي أنا أهم حاجة عندي ابني وبنتي يمارسوا رياضة وأنا طاحناهم رياضة علشان يطلعوا الطاقة اللي جواهم وتشغل تفكيره”.
وأضافت: “ابني دلوقتِ بيلعب في نادي باريس سان جيرمان والكابتن بتاع الفرقة، بنتي واخدة أحسن رياضية على مستوى الشرق الأوسط وابني هداف الدوري الفرنسي على مستوى الناشئين هو عمره 14 سنة”.
وأكملت: “حاولت بكل الوسائل يبقوا في السباحة بس هما ما كانوش طايقينها وفضلوا يلعبوا الكرة”.
وتابعت: “أنا مش عايزة ابني يسيب الدراسة ويحترف الكرة، لإن الشهادة مهمة، هو عمال يلف على إنه يركز في الكرة وهو بيتكلم فرنساوي وإنجليزي، لاعب الكرة زي الفنان بعد الشر أي حاجة تحصل له يعني مثلًا الشهرين اللي فاتوا صباعه اتكسر وده عطله، يعني أي إصابة بتعني إن مستقبله انتهى”.
اقرأ ايضا:
