حلت الفنانة هبة عبد العزيز، الساعات الماضية، ضيفة مع الإعلامي سعيد جميل، خلال استضافتها في برنامجه «أنا سعيد»، عبر قناة القاهرة والناس.
وقالت هبة: «الرجالة كلها متربتش وأنت كمان معاهم، اتربيتوا غلط فطلعتوا مش متربيين»، مشيرة إلى أنها متفقة إن سوء التربية مصدره الأم.”
هبة عبد العزيز «تشتم» إعلامي شهير على الهواء: أنت متربتش
وأضافت : «الأم بتعلم بنتها إزاي ترتب سريرها وتنظم حياتها، والحاجات الصغيرة دي بتعلمها تبقى مسؤولة ومعتمدة على نفسها، في حين أننا مش بنعمل كده مع الولاد، فبيطلع غير مسؤول».
وأكملت: «الراجل مش متعود يشيل مسؤولية، عشان كده بيخاف من الجواز أو يتجوز متأخر، أنا أخويا مش ممكن يشيل كوباية من مكانه إلا لو مراته بتموت».
من جانبه،رد المذيع قائلا : «اللي بيربي هي الأم في البيت، هي اللي بتزرع المبادئ والمثل في البيت، لومي الست اللي زيك، اللي هي أمي وأمك، اللي ربت أن أخوكي الولد يخرج ويرجع زي ما هو عاوز، واللي ربت أن أخوكي الولد يجيب بنات صحابه أو ولاد أصحابه البيت، وتطلعي أنتي باصة لأخوكي الولد”.
وأضاف: “أمراض نفسية بتتكون ولما بتكبروا وتتجوزوا بتطلعوا العقد دي علينا».
اقرأ ايضا:
«الجمهور معرفهاش».. فنانة شهيرة تصدم الجميع بشكلها الجديد بعد عمليات التجميل
