صدق من قال الحلو ميكملش، غني الكينج للحب وللحبيبة.، لكن قلبه لم يحن لأب امرأة، وكانت علاقاتها جميعا تنتهي بالفشل ، وفيا يلي سنكشف أسرار من حياة الكينج فتابعونا.
بس قلبه محنش على واحدة ست في يوم، وكل ما كان يدخل في علاقة يجري ويهرب منها بسرعة.. شكله كده الفن والإبداع مبينفعوش مع تكتيفة الجواز والاستقرار.. طب ارتبط بمين محمد منير.. هقولكم
الكينج محمد منير لما غنى صوتك وسط القلوب أنا بعرفه.. صوتك مليون كمنجة بيعزفوا.. مكنش يقصد واحدة معينة.. مش عشان محبش قبل كده لا سمح الله.. لا عشان حب كتير وفركش كتير.. وهرب من جوازات كتير وكتير
أكتر حاجة قالها محمد منير ولايقه عليه جدا إنه فعلا “قلبه مساكن شعبية” يساع من الحبايب كتير ولا يقعدش فيه عاشق لفترة طويلة أبدا وياما حب ولا طالش وياما برضه حبوه ستات ولا عرفوا يوقعوه في شباكهم.
ناس كتير متعرفش إن الكينج محمد منير كان بيحب الفنانة نجلاء بدر بجنون، وعاشوا سوا قصة حب جميلة فعلا، وقالت هي قبل كده إنه غنالها “لما النسيم بيعدي بين شعرك حبيبتي بسمعه بيقول آهات”، وفعلا راح خطبها وأهلها وافقوا.
وحددوا معاد لكتب الكتاب ويومها اختفى الكينج وقفل تليفونه ومن ساعتها متعرفش عنه حاجة، جوازة خلصت قبل ما تبدأ ولسه لحد النهارده نجلاء بدر مش نسياهاله.
الكينج مكنش قاصد إنه يعيش عازب طول عمره ولايخلف ولا يتجوز، وكان زي أي راجل عاوز يبقى عنده عيلة وأسرة تحاوطه بدل ما يعيش لوحده زي دلوقتي، لكن الوقت جري بيه وهو كان بيجري ورا الستات طول عمره، ولسه لو واحدة قدرت تشنكله عندها الفرصة إنها تبقى حرم محمد منير.
على قد ماهو رومانسي وحساس بس محمد منير من جواه شرقي نوبي أصيل عنده مشكلة مع شغل الستات وكان كل ما يحب واحدة وينوي يتجوزها يقولها بشرط تقعدي في البيت وكان ناول يعمل كده مع نجلاء بدر بس هي كانت مقاوحة وعندها بعد نظر وعشان كده علاقتهم منفعتش
ورغم نفيه طول الوقت بس الإعلامي محمود سعد قال قبل كده إن محمد منير اتجوز واحدة اسمها داليا يوسف من أسوان وكانت بتشتغل وعايشة في لندن وبيسافر عشانها.. وهي اللي عملها البيت الجميل في أسوان اللي بيطل على جزيرة عالنيل وقعدوا سوا شهرين وانفصلوا مقدرش يتفاهم معاها مبيبحش العند هو الكينج.
الجوازة اللي تمت فعلا بس مكملتش أسبوع كانت من حب عمره اللي مقدرش يقاوم وقرر إنه يتجوزها من كام سنة حتى بعد ما كبر في السن وفجأة وبدون مقدمات حصل الطلاق.
اتقال برضه إن الكينج كان على علاقة حب مع لمياء السحراوي أرملة الفنان الراحل عادل أدهم وانتشرت لهم صور في فترة بتأكد إنهم كانوا مرتبطين فعلا لكنه نفى برضه وقال دي مجرد صديقة يا جماعة واحنا هنصدق يا كينج ميهمكش
