حالة من الجدل الواسع، أثارتها ريم طارق، طليقة مطرب المهرجانات حسن شاكوش، الساعات الماضية، بعدماأعلنت خيانته لها برفقة فنانة مشهورة ثالث حرف من اسمها “ر”.
من جانبها ردت الفنانة حورية فرغلي على تلك الاتهامات، قائلة: “والله عمري ما شفت حسن شاكوش ولا أعرفه شخصيًا”.
أول رد من حورية فرغلي
وأكملت: ” تصريحات طليقته أن ثالث حرف من اسم الفنانة راء، مش حورية بس ما في شيرين !؟، أنا أصلا مبصاحبش أكيد مش هعرف راجل متجوز، وأنا مش كده خالص”.
وأضافت: “ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هعمل مصيبة وهرفع قضية تشهير.”
وقالت ريم: “كنا في نهار رمضان، كان في ممثلة مشهورة عندها مشكلة صحية تالت حرف من اسمها ر ، راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة.”
وأضافت ريم طارق، “: قعدت 30 يوم في شهر رمضان أشوف حاجات زي كده ومختلفة وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها”.
وأكملت: “قلت له أنا آسفة مش هقدر أكمل الموضوع مش خيانة، لكن دي حاجة بتتعمل وأنا مجبرة أشوفه وهو بيعملها، مكنتش هقدر ومش هجازف بنفسي.”
وأكدت ريم طارق: ” كل المشاكل اللي تخطر أو متخطرش على البال موجودة في حسن، كل الصفات اللي مش حلوة في حسن شاكوش.
اقرأ ايضا:
