ردت الإعلامية بسمة وهبة على انتقادات الجمهور بشأن فيديو حلقة الذكر الذي نشرته مؤخرًا، عبر صفحتها الرسمية بـ انستجرام، بجانب حديثها عن علاقتها بالشيخ جابر البغدادي.
وقالت بسمة وهبة، خلال فيديو عبر انستجرام: “مش بحب أدافع عن نفسي بس لما يكون الموضوع متعلق بالدين لازم أطلع أدافع، لما نزلت فيديو قلت فيه عايزة حق الشيخ جابر البغدادي كنت متخيلة إن الناس هتتعاطف بس اكتشفت عكس كده.”
“هقل أدبي”.. بسمة وهبة تفاجئ الجميع برسالة صادمة
وتابعت: “في ناس بتشوه صورة الصوفية وإنها تبع العصر الجاهلي وإن فيهم ناس وحشة، وأنا عاوزه أقولهم عيب اللي بيتقال عن الصوفية، ده طريق تسمو فيه روحك مع ذكر الله والتوسل إلى الله ورسوله، وإحنا بنحب أي حاجه ربنا بيحبهم لأن ربنا بيعزهم وبيحبهم.”
وأكملت: “فيديو صاحبتي اللي عملته كانت مصابة بالسرطان وانتشر في جسمها وكنا عاملين حلقة ذكر عشان نقويها، وكنت بستعين بالله، والسوشيال ميديا كتبوا عناوين غلط إني بقول بحق الشيخ جابر يشفى صاحبتي، وربنا لا يسامحكم لأنهم خدوا الكلام غلط ومنكم لله وأنا ما استعنتش بـ بني آدم أن يشفى صديقتي ومنكم لله عشان أنا كنت بقول حق الشيخ جابر وربنا يشفيها.”
واختتمت: “مقولتش بحق الشيخ جابر خالص، فرقوا في المواضيع ومحدش يغلط في الشيوخ سواء صوفية أو غيره أو الأزهر وأنا هفديه بروحي وأي حد هيغلط في الدين أنا هبقى قليلة الأدب وهقل أدبي عليه وهمرمط بيه الأرض ودي إساءة بالغة.”
اقرأ ايضا:
